នៅក្នុងស្រុកខ្មែរធ្លាប់កើតមានរួចមកហើយនូវករណីស្ត្រីចិត្តល្អហ៊ានបោចខោអាវចេញអស់ពីប្រាណហើយឈរអែនអនចង្កេះឲ្យសង្សារថតឆ្វាតៗ លុះដល់ក្រោយមកទើបយំគគ្រូកដ្បិតសង្សារគំរាមបង្ហោះរូបថតអាក្រាតទាំងនេះទៅចែកចាយឲ្យញាតិជិតឆ្ងាយបានឃើញ។
ដោយឡែកនៅឯស្រុកចិនក៏ស្រាប់តែកើតមានរឿងចំឡែកមួយស្រីៗឈរស្រាតឲ្យគេថតតែពុំមែនសង្សារជាអ្នកអ្នកថតនោះទេគឺជាម្ចាស់បំណុលជាអ្នកថតទៅវិញដើម្បីទុកជាភស្តុតាងពីរឿងខ្ចីប្រាក់នាក់។កាលពីពេលកន្លងទៅនេះរូបថតស្រាតរបស់នារីវ័យក្មេងជាង១០០នាក់ដែលបានថតដើម្បីដាក់បញ្ចាំខ្ចីលុយត្រូវបានបែកធ្លាយនៅលើបណ្តាញអ៊ីនធឺណិត។រូបថតទាំងនោះត្រូវបានថតដើម្បីដាក់បញ្ចាំខ្ចីលុយពីក្រុមអ្នកផ្តល់កម្ចីហើយនេះជាផ្នែកមួយនៃការរកស៊ីក្នុងសង្គមងងឹតរបស់ចិន។ ChinaYouthDaily បានរកឃើញរូបថតនិងវីដេអូរបស់នារីចំនួន១៦៧នាក់ដែលមានអាយុចន្លោះពី១៩ដល់២៣ឆ្នាំ។ ព័ត៌មានលម្អិត និង អសយដ្ឋាននៃអ្នកពាក់ព័ន្ធក៏ត្រូវបានរកឃើញផងដែរ។យោងតាម Shanghaiist ក្រុមអ្នកចងការប្រាក់ទាំងនេះរកស៊ីខុសច្បាប់នៅលើបណ្តាញសង្គមហើយហៅប្រភេទកម្ចីរបស់ពួកគេថា«កម្ចីស្រាត»«ប្រាក់សាច់»ឬ«កម្ចីផ្លែឈើ»។
អ្នកសារព័ត៌មានរបស់ChinaYouthDailyបានបង្ហោះសារនៅQQថាក្រុមអ្នកអោយកម្ចីនិងក្រុម«កម្ចីផ្លែឈើ»បាននិយាយថាកម្ចីនេះសម្រាប់តែនារីហើយការប្រាក់គឺ២៥%ក្នុងមួយខែ។អ្នកអោយខ្ចីស្នើយករូបថត៣សន្លឹកថតដោយកាន់អត្តសញ្ញាណប័ណ្ណនិងវីដេអូរយៈពេល៣នាទីពេលងូតទឹកដើម្បីដាក់បញ្ចាំ។ប្រសិនបើនារីខ្ចីលុយមិនអាចសងលុយបានអ្នកអោយខ្ចីលុយនឹងផ្ញើរូបថតស្រាតនោះទៅមិត្តនិងគ្រួសាររបស់នាង៕
