…សេពគប់ជាគូសង្សារអស់រយៈពេលវែងគួរសមបន្តិចហើយនោះ ខាងស្រីបានកត់សំគាល់ឃើញថា ប្រុសស្នេហ៍របស់នាងពុំមានភាពអត់ធ្មត់ក្នុងការទប់ភ្លើងកំហឹងនោះឡើយ..ម្ល៉ោះហើយនាងបានក្រៀមសុំបែកពីរូបគេតែនាងពុំចង់ឆ្លើយប្រាប់ជាពាក្យសម្តីនោះទេ គឺនាងចង់បង្ហាញនូវកាយវិការអ្វីមួយឲ្យគេបានដឹង!។ ថ្ងៃដែលនាងរង់ចាំបានមកដល់គឺនៅចំពីមុខផ្សារទំនើប Wanda Plaza Shopping Center ក្នុងខេត្ត Hunan ប្រទេសចិន សង្សារបស់នាង បានរៀបចំកាដូយ៉ាងស្អាតជាឡានទំនើប Lamborghini ពណ៌ទឹកក្រូច មួយគ្រឿងតម្លៃរាប់សែនដុល្លារ និងបាច់ផ្កាមួយបាច់ ដើម្បីសុំនាងរៀបការដែលមើលទៅពិតជារ៉ូមែនទិកខ្លាំងមែនទែន។
បុរសដែលជាសង្សារបានឈរចាំមិត្តស្រីរបស់ខ្លួន នៅចំពីមុខជ្រកចូលផ្សារ ដើម្បីសុំមិត្តស្រីរៀបការ ហើយពេលនាងចេញមក រូបលោកក៏បានលុតជង្គង់ចុះ ដោយនិយាយថា “ព្រមទទួលយកខ្ញុំទៅ” ក្នុងនោះដែរ លោកថែមទាំង រៀបចំបាញ់កាំជ្រួច បើសិនជាការសុំរៀបការនេះបានជោគជ័យ ។ក៏ប៉ុន្តែអ្វីៗ មិនបានសមស្របតាមបំណងបុរសដែលជាសង្សារនោះទេ ដោយមិត្តស្រីរបស់លោក បានបដិសេធមិនព្រមរៀបការជាមួយលោកឡើយ បើទោះជាឃើញកាដូដ៏មានតម្លៃនេះក៏ដោយ។ ហើយមិត្តស្រីម្នាក់នោះ បាននិយាយថា “សុំទោស ខ្ញុំមិនអាចទេ ខ្ញុំពិតជាសុំទោស”។ខណៈនោះផងដែរ ទន្ទឹមនឹងនារីជាមិត្តស្រីកំពុងតែនិយាយបដិសេធ ស្រាប់តែមិត្តរបស់បុរសជាសង្សារ បានស្រែកឡើងថា “ប៉ុន្តែគាត់អាចទិញឡានឲ្យនាងបាន” ហើយម្នាក់ទៀតក៏បាននិយាយថា “នាងនឹងមានលុយ ហើយអាចទិញអ្វីទាំងអស់ដែលខ្លួនចង់បាន”។ ក៏ប៉ុន្តែនារីរូបស្រស់ម្នាក់នោះ នៅតែគេចរួចដើរចេញ មិនទទួលការសុំរៀបការនេះទេ ដែលកាយវិការទាំងនេះ ពិតជាធ្វើឲ្យគ្រប់គ្នានៅទីនោះ ភ្ញាក់ផ្អើលយ៉ាងខ្លាំង។
ក្រោយមក បន្ទាប់ពីមិនអាចទប់អារម្មណ៍សុំរៀបការមិនបាន បុរសដែលជាសង្សារក៏ចាប់ផ្តើមផ្ទុះកំហឹង ច្រឡោតរត់ទៅបំផ្លាញរបស់របរ ដែលរៀបចំទុកឲ្យមិត្តស្រីរបស់ខ្លួន ក៏ប៉ុន្តែត្រូវមិត្តរបស់លោក ជួយទប់និងលួងលោមរូបលោកផងដែរ។ទោះជាយ៉ាងណាក្តី ក្រោយពីឃើញវីដេអូនេះហើយ មហាជនជាច្រើន បានបញ្ចេញមតិថា “ប្រសិនបើនាងរៀបការជាមួយបុរសម្នាក់នេះ នាងប្រាកដជាក្លាយជាជនរងគ្រោះដោយសារអំពើហឹង្សារជាមិនខាន” “មើលកំហឹងរបស់គេទៅ នេះហើយដែលជាមូលហេតុដែលនាងបដិសេធ”៕
