…រូបភាពមេស្កាប្រយុទ្ធជាមួយពស់ថ្លាន់ ក្រោយពេលបានបង្ហោះភ្លាមមានមនុស្សចូលមើលយ៉ាងច្រើនមែន តែទន្ទឹមនឹងនោះក៏មានមតិរិះគន់ជេរកប់ៗមាត់ ពីភាពអមនុស្សធម៌របស់ស្ត្រីជាម្ចាស់វីដេអូឃ្លីបដែលគិតតែពីឈរថតធ្វើព្រងើយទុកឲ្យមេស្កាដែលជាសត្វចិញ្ចឹមរបស់ខ្លួនប្រឹងប្រយុទ្ធជាមួយពស់ថ្លាន់។មិនថាតែមនុស្សនោះទេ សូម្បីតែសត្វក៏វាស្រលាញ់ កូនរបស់វាមិនចាញ់មនុស្សឡើយ ដូចក្នុងរូបភាព ដែលបានបង្ហោះដោយ គេហទំព័រមួយឈ្មោះ Ladbible បានចុះផ្សាយ កាលពីពេលថ្មីៗនេះ គឺឃើញស្តែងៗតែម្តង ។
ហេតុការណ៍ក្នុងរូបភាពនេះ បានកើតឡើងនៅក្នុងរដ្ឋ Queensland ប្រទេសអូស្ត្រាលី ស្ត្រីម្នាក់ឈ្មោះ Cristin Birt អាយុ៥៣ឆ្នាំ ជាជំនួយការពេទ្យម្នាក់ ដែលបានចេញពីធ្វើការកណ្តាលយប់ ហើយនាងបានភ្ញាក់ផ្អើលយ៉ាងខ្លាំង ពេលដែលឃើញពស់១ក្បាល កំពុងតែរឹតកូនសត្វស្កា១ក្បាល ហើយនាងក៏បានយកកាម៉េរ៉ា មកថតរូបភាពទុក ។ពេលនោះមេរបស់កូនស្កា ដែលកំពុងតែត្រូវពស់រឹតនោះ បានព្យាយាមតស៊ូ អស់ពីកម្លាំងរបស់វា ប្រយុទ្ធជាមួយពស់ថ្លាន់ ១ក្បាលនោះ ដោយមិនខ្លាចញញើតឡើយ ព្រោះតែកូនរបស់វា កំពុងតែស្ថិតនៅក្នុងចង្កូម របស់សត្វពស់ដ៏សាហាវនោះ ។នាង Cristin Birt បានប្រាប់ថា នាងបានត្រលប់មកពីធ្វើការវិញ ស្រាប់តែឮសម្លេងពស់ និងសត្វស្ការបស់នាង នៅឯក្រោយផ្ទះ ក្នុងសួនច្បារ ។ មេស្កាឈ្មោះ Opossum វាបានខំព្យាយាមប្រើជើង និងមាត់ដើម្បីប្រយុទ្ធខាំជាមួយពស់ ធ្វើយ៉ាងណាឲ្យតែពស់ លែងកូនរបស់វាមកវិញ។ នៅពេលនោះ វាប្រហែលជាគិតថា កូនរបស់វាបានងាប់បាត់ទៅហើយ តែទីបំផុត Opossum បានតស៊ូជាមួយពស់ បានសម្រេច ដោយពស់ថ្លាន់នោះ បានព្រលែងកូនរបស់វាវិញ។
ក្រោយពីរូបភាពនេះ បានបង្ហោះចេញលើបណ្តាញសង្គម មានអ្នកស៊ែរ និងបញ្ចេញមតិខុសៗគ្នាយ៉ាងច្រើនលើសលប់ ដោយខ្លះបានរិះគន់នារីម្ចាស់សត្វខាងលើថា មិនព្រមទៅជួយសត្វរបស់ខ្លួននោះទេ បែរជាសុខចិត្តឈរថតរូប ធ្វើព្រងើយទៅវិញ ៕
