...រឿងរ៉ាវចោរលួចគាស់ទូរដែកប្រមូលយកប្រាក់អស់រលីងទុកឲ្យម្ចាស់ទូរហូរទឹកភ្នែករហាមនោះបានកើតឡើងច្រើនដងណាស់មកហើយ តែកម្រចាប់បានភ្លាមៗណាស់។ ទើបតែកាលពីពេលថ្មីៗនេះ ចោរលួចមានគ្នាពីរនាក់បានទៅគាស់ទូរដែកលុះដល់ម្ចាស់ផ្ទះមកកាន់ក៏ទាញដំបងដែកចង់បើកការប្រយុទ្ធ ប៉ុន្តែមានរហ័សជាងអាខ្លីឯណា លាន់សម្លេងផូង..ផូងម្នាក់ដួលខ្ពោកលាចាកភពផែនដី ឯម្នាក់ទៀតដេកមន្ទីរពេទ្យ។
កាលពីវេលាយប់រំលងអាធ្រាត្រ ម៉ោងជាង១២ឆ្លងចូលថ្ងៃទី២៣ខែធ្នូឆ្នាំ២០១៩ នៅផ្លូវលេខ២១៦ផ្ទះលេខ៧៦ក្នុងក្រុមទី៨ភូមិ៣ សង្កាត់លេខ៤ ក្រុង ខេត្ត ព្រះសីហនុ។ មានករណីជនជាតិចិន0២នាក់ចូលទៅគាស់ទូរដែកបម្រុងយកប្រាក់ ហើយក្នុងពេលជនសង្សយ័កំពុងធ្វើសកម្មភាព ម្ចាស់ផ្ទះដែលជាមន្ត្រីនគរបាលព្រំដែនទឹក ចូលទៅទាន់ ក្រុមជនសង្ស័យបានប្រើដែកគាស់0២ដើមវ៉ៃទៅលើជនរងគ្រោះ ប៉ុន្តែភ្លាមនោះម្ចាស់ផ្ទះជាមន្ត្រីនគរបាលព្រំដែនទឹកដែលមានអាវុធក្នុងដៃបានផ្ទុះអាវុធជាច្រើនគ្រាប់បាញ់ទៅលើក្រុមជនសង្សយ័ បណ្តាលអោយជនសង្ស័យម្នាក់ស្លាប់នៅកន្លែងកើតហេតុ និងម្នាក់ទៀតរបួសធ្ងន់ បច្ចុប្បន្នកំពុងសង្គ្រោះគ្រោះនៅមន្ទីរពេទ្យបង្អែកខេត្ត (ពេទ្យចំការចេក ) ។
សមត្ថកិច្ចបញ្ជាក់ថា ម្ចាស់ផ្ទះឈ្មោះ លី ទី អាយុ៣៥ឆ្នាំ មុខរបរនគរបាលព្រំដែនជើងទឹក ៕
