...រឿងរ៉ាវឃាទកម្មដែលស្ត្រីជាម្តាយរួមទាំងកូនស្រីព្រួតគ្នាកាប់សម្លាប់ទៅលើកូនប្រសា...ប្តីកាលពីខែឧសភា កន្លងទៅនោះសូមសរសើរទៅដល់លោកម្ចាស់ប៉ាវ សំណាក់ភ្នំពេញ ដែលចាត់ការរឿងរ៉ាវនេះបានរហ័សព្រលឹងសពលែងវិលវល់ ហើយឆាប់ទៅចាប់កំណើតជាថ្មី។នៅព្រឹកថ្ងៃទី២៣ ខែធ្នូ ឆ្នាំ២០១៩ លោក សុង ប៊ុណ្ណារិទ្ធី ចៅក្រមជំនុំជម្រះ នៃសាលាដបូងរាជធានីភ្នំពេញ សម្រេចប្រកាសសាលក្រមផ្តន្ទាទោសឈ្មោះ គង់ ធីតា អាយុ៤៩ឆ្នាំ (ជាម្តាយ) ដាក់ពន្ធនាគារកំណត់ ១១ឆ្នាំ និងឈ្មោះ ង៉ូយ សុម៉ារី អាយុ២០ឆ្នាំ ជាកូនស្រី ដាក់ពន្ធនាគារកំណត់១០ឆ្នាំ ពីបទឃាតកម្ម ទៅលើជនរងគ្រោះឈ្មោះគឹម យ៉ត អាយុ២៩ឆ្នាំកាលពីខែឧសភា កន្លងទៅ។
ឃាតកទាំង២នាក់ ១-ឈ្មោះ គង់ ធីតា អាយុ៤៩ឆ្នាំ (ជាម្តាយ) មុខរបរនៅផ្ទះស្នាក់នៅផ្ទះលេខ២៣J ផ្លូវបេតុង ក្រុម៧៦ ភូមិ១៣ សង្កាត់ទន្លេបាសាក់ ខណ្ឌចំការមន និង២-ឈ្មោះ ង៉ូយ សុម៉ារី អាយុ២០ឆ្នាំ ស្នាក់នៅបន្ទប់ជួលកន្លែងកើតហេតុលើផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។ ដោយឡែក ជនរងគ្រោះជាប្តីបានស្លាប់ មានឈ្មោះ គឹម យ៉ត អាយុ២៩ឆ្នាំ ជាបុគ្គលិកក្រុមហ៊ុនឯកជនមួយ។សមត្ថកិច្ចបានឱ្យដឹង ថា ម្តាយ និងកូនស្រីបានសម្លាប់លើបុរសជាប្តី និងជាកូនប្រសារ គឺដំបូងបានកាប់រួចហើយ យកខ្សែភ្លើង និងស្កុតមកចងដៃជើង បន្ទាប់មកយកកាំបិតមកចាក់សម្លាប់បន្ថែម ព្រោះតែខ្លាចជងរងគ្រោះតដៃពួកគេវិញ។ រួចរាល់ហើយ ក៏បាននាំគ្នាមកចូលមកសារភាពតែម្តង ដូច្នេះទើបជនដៃដល់ទាំង២នាក់ (ម្តាយ និងកូនស្រី) ត្រូវបាននគរបាលខណ្ឌសែនសុខ ឃាត់ខ្លួននាថ្ងៃទី២៥ ខែឧសភា ឆ្នាំ២០១៩។
បើតាមការសារភាពឃាតករទាំង ២នាក់ បានឲ្យដឹងទៀតថា ប្តីប្រពន្ធ ឈ្មោះ គឹម យ៉ត និងឈ្មោះ ង៉ូយ សុម៉ារី នេះ ទើបតែរៀបការគ្នា កាលពីថ្ងៃទី២៦ ខែមករា ឆ្នាំ២០១៩ ហើយបាននាំគ្នាមកជួល ផ្ទះកើតហេតុស្នាក់នៅ។ លុះនៅម៉ោងប្រមាណ ៩ព្រឹក ថ្ងៃទី២៤ ខែឧសភា ឆ្នាំ២០១៩ នារីប្រពន្ធឈ្មោះ ង៉ូយ សុម៉ារី បានសុំលុយប្តី១ម៉ឺនរៀល ហើយប្តីមិនព្រមឲ្យ ក៏មានទំនាស់សម្តីគ្នារហូតឈានដល់ហឹង្សាម្តាយ និងកូនរួមគ្នាចាក់សម្លាប់ជនរងគ្រោះតែម្តង៕
Home ព្រឹត្តិការណ៍ថ្មីៗ លោកម្ចាស់ប៉ាវ ចេញប៉ាស្ព័របានលឿនមែន…ស្ត្រីជាម្តាយ១១ឆ្នាំ ឯកូនស្រី១០ឆ្នាំក្នុងសំនុំរឿងបាតដៃប្រឡាក់ឈាម