នាព្រឹកថ្ងៃទី ២៤ ខែធ្នូ ឆ្នាំ២០១៩ នេះ សម្ដេច ហ៊ុន សែន ព្រមានដកតំណែងអភិបាលខេត្តត្បូងឃ្មុំ បើសិនជាគ្រប់គ្រង«ផ្សារគំរូព្រំដែនកម្ពុជា» បរាជ័យ។ សម្តេច ថ្លែងបែបនេះ នៅក្នុងពិធីសម្ពោធផ្សារដោះដូរទំនិញកម្ពុជា-វៀតណាម(ផ្សារគំរូព្រំដែន កម្ពុជា) នៅខេត្តត្បូងឃ្មុំ ។
គួរបញ្ជាក់ដែរថា ផ្សារដារជាផ្សារគំរូព្រំដែនកម្ពុជាទី១ស្ថិតនៅ មាត់ច្រកទ្វារព្រំដែនទ្វេភាគីដារក្នុងភូមិដារ កណ្តោលឃុំដារស្រុក មេមត់ខេត្តត្បូងឃ្មុំជាប់នឹង ព្រំដែនខេត្តតៃនិញប្រទេសវៀតណាមដែលចំណាយ អស់ទឹកប្រាក់ប្រមាណ ៤៤.៧៦១.៤១0.០០០ដុង (លុយវៀតណាម) ស្មើនឹងប្រមាណ២លានដុល្លារ ជាជំនួយរបស់រដ្ឋាភិបាល វៀតណាម ។
សេចក្តីប្រកាសរបស់ក្រសួងពាណិជ្ជកម្មនាពេលថ្មីៗនេះបានឲ្យដឹងថា៖ ក្រសួងពាណិជ្ជកម្មកម្ពុជាបានសហការជាមួយក្រសួងឧស្សាហកម្មនិងពាណិជ្ជកម្មនៃវៀតណាម នឹង រៀបចំពិព័រណ៍ពាណិជ្ជកម្មមិត្តភាពកម្ពុជា-វៀតណាមឆ្នាំ ២០១៩ ដែលនឹងប្រព្រឹត្តទៅចាប់ពី២៤ ដល់២៦ខែធ្នូឆ្នាំ២០១៩។ការរៀបចំពិព័រណ៍ពាណិជ្ជកម្មនេះធ្វើឡើងក្នុងគោលបំណងអបអរសាទរពិធីសម្ពោធនិងពិធីប្រគល់ទទួលផ្សារគំរូព្រំដែនកម្ពុជាវៀតណាម«ផ្សារដារ»ដែលមានតាំងបង្ហាញទំនិញ រវាងប្រទេសទាំង២ជាច្រើនមុខ៕