....បុរសម្នាក់នេះពេលដែលប៉ូលិសចាប់បានហើយបើកុំតែបានប៉ូលិសការពារទៀតនោះ ច្បាស់ជាទទួលរងនូវវែកឆាអាចក្សិនក្ស័យវីវកក៏ថាបានពីកំហឹងរបស់ពួទកស្ត្រីជាមេផ្ទះ។ បុរសរូបនោះពិតជាកើតនូវរោគអ្វីម្យ៉ាងនោះហើយទើបបានជាចងអាឃាដទៅលើសត្វឆ្មាយ៉ាងឃោឃៅ។បុរសម្នាក់នៅប្រទេសអង់គ្លេស ត្រូវបានចោទប្រកាន់ជាប់ពាក់ព័ន្ធការសម្លាប់ និងខ្វេះពោះវៀន ឆ្មាចេញមកក្រៅយ៉ាងព្រៃផ្សៃដែលបណ្ដាលឱ្យអ្នកស្រុកនាំគ្នាប្ដឹងប៉ូលិសឱ្យចាត់វិធានការក្ដៅ បន្ទាប់ពីឆ្មាជាង ២០ក្បាលត្រូវបានបុរសរូបនេះចាក់សម្លាប់ក្នុងរយៈពេលត្រឹមតែ ១៨ ខែ។
រាល់ពេលធ្វើសកម្មភាពឃាតករតែងតែចូលទៅជិតឆ្មា ហើយចាក់សម្លាប់ ឬខ្វះពោះវៀនចេញក្រៅមុនពេលគេចខ្លួន។ នាង ឃ្លែរ ថាយល័រ វ័យ ២៦ ឆ្នាំ និងអ្នកស្រី ជីន ផូវែល វ័យ ៨០ ឆ្នាំស្ថិតក្នុងចំណោមអ្នកដែលបានរាយការណ៍ថាឆ្មារបស់ខ្លួន ត្រូវឃាតករសម្លាប់។ ឆ្មាខ្លះវារមកផ្ទះទាំងឈាមជោកខ្លួនហើយក្រោយមកក៏ងាប់ដោយសារ របួសគួរឱ្យខ្លោចចិត្ត។
ក្រោយម្ចាស់សត្វចិញ្ចឹមអំពាវនាវយ៉ាងទទូច និងចំនួនសត្វរងគ្រោះបានកើនឡើងដល់ ២៥ក្បាល ប៉ូលិសក៏ចាត់វិធានការ។ ហើយការស៊ើបអង្កេតតាមដានបានឈានទៅដល់ការចាប់ ខ្លួនបុរសឈ្មោះ ស្ទីវ បូឃ្វែត (Steve Bouquet) វ័យ ៥២ឆ្នាំមកពីតំបន់រមណីយដ្ឋានមាត់សមុទ្រ ប្រាយថុន (Brighton) ហើយត្រូវបានចោទប្រកាន់ពាក់ព័ន្ធការងាប់ឆ្មាជាង២០ ក្បាល។
សូមបញ្ជាក់ថា បុរសជាប់ចោទរូបនេះនឹងត្រូវបង្ហាញមុខចំពោះចៅក្រមក្នុងតំបន់ប្រាយថុន នៅថ្ងៃទី២៣ ខែមករា ឆ្នាំ២០២០៕