ស្ត្រីជាម្តាយម្នាក់នេះត្រូវគេជេរឡើងរង្គើសក់ក្បាលពេញបណ្តាញសង្គមហ្វេសប៊ុក ពីព្រោះតែចរិកហ៊ានប្រើកូនស្រីឲ្យឡើងសំយ៉ាបផ្ទះទៅយកកូនសោរផ្ទះដែលភ្លេច ឯខ្លួននាងជាម្តាយឈរចុចទូរស័ព្ទឲ្យរំភើយផាយផាត់។
កាលពីពេលថ្មីៗនេះ សារព័ត៌មាន Dailmail បានចុះផ្សាយពីវីដេអូឃ្លីបមួយ ដែលត្រូវបានអ្នកលេងហ្វេសប៊ូក រិះគន់យ៉ាងខ្លាំង ជាពិសេសនៅក្នុងបណ្តាញសង្គមប្រទេសចិន ខណៈពេលដែលម្តាយម្នាក់ បានបញ្ជាឲ្យកូនស្រីរបស់ខ្លួន ឡើងតាមសំយ៉ាបផ្ទះ ដើម្បីចូលយកកូនសោរទ្វារ ដែលភ្លេចនៅក្នុងបន្ទប់ ។ហេតុការណ៍នេះ បានកើតឡើងនៅក្នុងប្រទេសចិន ព្រោះតែក្មេងស្រីរូបនោះ បានភ្លេចកូនសោរផ្ទះ នៅក្នុងបន្ទប់របស់នាង ទើបម្តាយនាងបានបង្ខំ ឲ្យនាងឡើងតាមសំយ៉ាបបន្ទប់ ដើម្បីទៅយកកូនសោរ ចំណែកម្តាយវិញ ឈរចុចទូរស័ព្ទយ៉ាងរំភើយ មិនខ្វល់ពីគ្រោះថ្នាក់ដល់កូនស្រី បន្តិចសោះឡើយ។
ខណៈដែលឃើញហេតុការណ៍ ដ៏គួរឲ្យហួសចិត្តបែបនេះ អ្នកជិតខាង បានលួចថតយកវីដេអូនេះ ហើយបង្ហោះនៅក្នុងបណ្តាញសង្គម ធ្វើឲ្យមនុស្សជាច្រើន បាននាំគ្នារិះគន់ម្តាយ ដែលជាជនជាតិចិនរូបនោះ មិនដឹងជាចិត្តគាត់ ធ្វើអំពីអ្វី បានជាឃើញកូនស្រី គ្រោះថ្នាក់បែបនេះហើយ នៅឈរចុចទូរស័ព្ទធ្វើព្រងើយ សំណាងហើយ ដែលកូនស្រីនោះពុំមានគ្រោះថ្នាក់កើតឡើង ៕
