ត្រឹមតែមួយខែប៉ុណ្ណោះ បន្ទាប់ពីលោកមហាសេដ្ឋីជនជាតិជប៉ុនម្នាក់នេះប្រកាសជ្រើសរើសនាងកញ្ញាដែលមានគ្រប់លក្ខណៈសម្បត្តិ យកមកធ្វើជាមិត្តស្រីសំរាប់រួមដំណើរទៅលេងនៅទីអវកាស គឺមានបេក្ខនារីកញ្ញាៗដ៏ស្រស់ស្អាតបានដាក់ដឺម៉ង់យ៉ាងច្រើនកុះករ លើសពីការរំពឹងទុកទៅទៀត។លុះដល់ដឺម៉ង់គរច្រើនពេក ស្រាប់តែធ្វើឲ្យលោកសេដ្ឋីប្រែប្រួលចិត្តបាតដៃជាខ្នងដៃ…ទៅវិញ។មហាសេដ្ឋីជប៉ុនម្នាក់ដែលបានប្រកាសសជាសាធារណៈដើម្បីស្វែងរកមិត្តស្រី ដែលមានបំណងចូលរួមជាមួយគាត់ក្នុងដំណើរទៅកាន់ទីអវកាស បានលុបចោលការប្រមាញ់នេះភ្លាមៗកាលពីថ្ងៃព្រហស្បតិ៍ ទី៣០ មករា ទោះបីជាទាក់ទាញអ្នកដាក់ពាក្យសុំធ្វើមិត្តស្រីជិត ៣០.០០០ នាក់ក៏ដោយ។
លោក យូសាគូ ម៉ាអេហ្សាវ៉ា (Yusaku Maezawa) កាលពីដើមខែនេះបាននិយាយថាគាត់កំពុងស្វែងរកមិត្តស្រីម្នាក់ ដែលមានបំណងចូលរួមជាមួយគាត់ នៅពេលគាត់ធ្វើដំណើរនៅជុំវិញព្រះចន្ទក្នុងឆ្នាំ ២០២៣ ឬឆ្នាំក្រោយនោះទៀត ក្នុងនាមជាអ្នកដំណើរឯកជនដំបូងគេដែលធ្វើដំណើរទៅទីអវកាស ដែលផ្តល់ជូនដោយក្រុមហ៊ុន SpaceX របស់លោកអេឡុន ម៉ាស។ការស្វែងរកមិត្តស្រីរបស់គាត់គ្រោងនឹងផ្សាយលើកម្មវិធីទូរទស្សន៍ ផ្សាយតាមអ៊ីនធឺណេតមួយ។ ប៉ុន្តែកាលពីថ្ងៃទី៣០ មករា លោកម៉ាអេហ្សាវ៉ាបានរំលាយចោលនូវក្តីសង្ឃឹមរបស់មនុស្សរាប់ម៉ឺននាក់ ដោយលើកឡើងពីហេតុផលផ្ទាល់ខ្លួនទើបលុបចោលការស្វែងរកមិត្តស្រី។គាត់បានសរសេរជាភាសាអង់គ្លេសនៅលើគណនី Twitter ថា “ទោះបីខ្ញុំប្តេជ្ញាចិត្តដោយស្មោះត្រង់ពិតប្រាកដចំពោះកម្មវិធីនេះក្តីក៏ប៉ុន្តែមានផ្នែកមួយដែលខ្ញុំនៅតែមានអារម្មណ៍ច្របូកច្របល់អំពីការចូលរួមរបស់ខ្ញុំ”។
លោកបានបន្ថែមថា “ពេលគិតទៅដល់ស្ត្រី ២៧.៧២២ នាក់ ដែលមានបំណងពិតប្រាកដនិងភាពក្លាហានក្នុងការប្រើពេលវេលាដ៏មានតម្លៃរបស់ពួកគេដើម្បីដាក់ពាក្យ វាបានធ្វើឱ្យខ្ញុំមានអារម្មណ៍វិប្បដិសារីខ្លាំងណាស់”៕
ត្រឹមតែមួយខែប៉ុណ្ណោះ បន្ទាប់ពីលោកមហាសេដ្ឋីជនជាតិជប៉ុនម្នាក់នេះប្រកាសជ្រើសរើសនាងកញ្ញាដែលមានគ្រប់លក្ខណៈសម្បត្តិ យកមកធ្វើជាមិត្តស្រីសំរាប់រួមដំណើរទៅលេងនៅទីអវកាស គឺមានបេក្ខនារីកញ្ញាៗដ៏ស្រស់ស្អាតបានដាក់ដឺម៉ង់យ៉ាងច្រើនកុះករ លើសពីការរំពឹងទុកទៅទៀត។លុះដល់ដឺម៉ង់គរច្រើនពេក ស្រាប់តែធ្វើឲ្យលោកសេដ្ឋីប្រែប្រួលចិត្តបាតដៃជាខ្នងដៃ…ទៅវិញ។មហាសេដ្ឋីជប៉ុនម្នាក់ដែលបានប្រកាសសជាសាធារណៈដើម្បីស្វែងរកមិត្តស្រី ដែលមានបំណងចូលរួមជាមួយគាត់ក្នុងដំណើរទៅកាន់ទីអវកាស បានលុបចោលការប្រមាញ់នេះភ្លាមៗកាលពីថ្ងៃព្រហស្បតិ៍ ទី៣០ មករា ទោះបីជាទាក់ទាញអ្នកដាក់ពាក្យសុំធ្វើមិត្តស្រីជិត ៣០.០០០ នាក់ក៏ដោយ។
លោក យូសាគូ ម៉ាអេហ្សាវ៉ា (Yusaku Maezawa) កាលពីដើមខែនេះបាននិយាយថាគាត់កំពុងស្វែងរកមិត្តស្រីម្នាក់ ដែលមានបំណងចូលរួមជាមួយគាត់ នៅពេលគាត់ធ្វើដំណើរនៅជុំវិញព្រះចន្ទក្នុងឆ្នាំ ២០២៣ ឬឆ្នាំក្រោយនោះទៀត ក្នុងនាមជាអ្នកដំណើរឯកជនដំបូងគេដែលធ្វើដំណើរទៅទីអវកាស ដែលផ្តល់ជូនដោយក្រុមហ៊ុន SpaceX របស់លោកអេឡុន ម៉ាស។ការស្វែងរកមិត្តស្រីរបស់គាត់គ្រោងនឹងផ្សាយលើកម្មវិធីទូរទស្សន៍ ផ្សាយតាមអ៊ីនធឺណេតមួយ។ ប៉ុន្តែកាលពីថ្ងៃទី៣០ មករា លោកម៉ាអេហ្សាវ៉ាបានរំលាយចោលនូវក្តីសង្ឃឹមរបស់មនុស្សរាប់ម៉ឺននាក់ ដោយលើកឡើងពីហេតុផលផ្ទាល់ខ្លួនទើបលុបចោលការស្វែងរកមិត្តស្រី។គាត់បានសរសេរជាភាសាអង់គ្លេសនៅលើគណនី Twitter ថា “ទោះបីខ្ញុំប្តេជ្ញាចិត្តដោយស្មោះត្រង់ពិតប្រាកដចំពោះកម្មវិធីនេះក្តីក៏ប៉ុន្តែមានផ្នែកមួយដែលខ្ញុំនៅតែមានអារម្មណ៍ច្របូកច្របល់អំពីការចូលរួមរបស់ខ្ញុំ”។
លោកបានបន្ថែមថា “ពេលគិតទៅដល់ស្ត្រី ២៧.៧២២ នាក់ ដែលមានបំណងពិតប្រាកដនិងភាពក្លាហានក្នុងការប្រើពេលវេលាដ៏មានតម្លៃរបស់ពួកគេដើម្បីដាក់ពាក្យ វាបានធ្វើឱ្យខ្ញុំមានអារម្មណ៍វិប្បដិសារីខ្លាំងណាស់”៕
