…កន្លងៗមកមានត្រីបាឡែនាបានងាប់ដោយសារតែវាបានលេបសំរាមដែលមនុស្សគ្មានសណ្តាប់ធ្នាប់បានបោះចោលទៅក្នុងសមុទ្រ។ចំណែកបុរសជាអ្នកនេសាទម្នាក់នេះវិញជាអ្នកស្រឡាញ់បរិស្ថានបានចំណាយពេលក្នុង១ថ្ងៃៗមិនតិចម៉ោងនោះទេដើរប្រមូលសំរាមចេញពីទឹកសមុទ្រ។ចំពោះទង្វើគួរឲ្យសរសើរបែបនេះស្រាប់តែថ្ងៃមួយបុរសនោះ រើសបានកំអួនត្រីបាឡែន១ដុំដែលមានមនុស្សម្នាឯទៀតលើកឡើងថា ត្រីបាឡែនបានផ្តល់រង្វាន់ដែលបានដើររើសសំរាមចេញពីក្នុងទឹកសមុទ្រ។
បុរសជាអ្នកនេសាទក្នុងសមុទ្រ និងមានជីវភាពក្រីក្រលំបាកម្នាក់ មានសំណាងក្លាយជាអ្នកមានទ្រព្យសម្បត្តិ ក្រោយពីគាត់រើសបាននេះកំអួតត្រីប៉ាឡែនជាច្រើនគីឡូ ដែលអណ្តែតនៅលើទឹកសមុទ្រ។ បុរសមានសំណាងរូបនេះមានឈ្មោះថា Sukardi រស់នៅក្នុងតំបន់ Kaur Regency នៃកោះសូម៉ាត្រា ប្រទេសឥណ្ឌូនេស៊ី។បុរសម្នាក់នេះជាអ្នកស្រលាញ់ធម្មជាតិណាស់ ដោយពេលខ្លះគាត់បានចំណាយពេលវេលាជាច្រើន ដើម្បីប្រមូលសំរាមចេញពីទឹកសមុទ្រទៀតផង ខណៈអ្នកនេសាទផ្សេងទៀត មិនខ្វល់រឿងសំរាមនោះទេ។ ក្នុងថ្ងៃមួយគាត់បានជិះទូក ដើម្បីប្រមូលសំរាមពីលើទឹកសមុទ្រ និងយកទៅដុតចោលនៅលើគោក ដូចរាល់ដង តែលើកនេះគាត់បានឃើញវត្ថុមួយដូចជាក្រមួនពណ៌សមួយដុំ ហើយ ក្រោយមកទើបគាត់ដឹងថា ដុំនោះជាកំអួតរបស់ត្រីបាឡែន ដែលគេយកវាទៅធ្វើជាទឹកអប់ និងគ្រឿងមានក្លិនក្រអូបផ្សេងទៀតបានជាច្រើនប្រភេទ ហើយវាត្រូវបានគេលក់ក្នុងតម្លៃដ៏ថ្លៃទៀតផង។
បុរសនោះ បាន ប្រមូលយកកំអួតត្រីបាឡែន បានចំនួន ៥០គីឡូ និងលក់បានលុយចំនួន ២២៤,៧៥៤ ដុល្លារអាមេរិក។ ចំនួនលុយនេះអាចធ្វើឲ្យគាត់ក្លាយជាអ្នកមានម្នាក់បាននៅក្នុងប្រទេសឥណ្ឌូនេស៊ី៕
