...សម័យនេះទៅហើយ ទស្សនៈស្ត្រីបង្វិលចង្ក្រានមិនជុំបានរលាយក្លាយជាផ្សែងអស់រលីងទៅហើយ...រហូតមានការងារខ្លះស្ត្រីអាចធ្វើបានធ្វើឲ្យប្រុសៗបៈសក់ច្រូងទៀតផង។ជាការពិតណាស់គោលដៅមនុស្សម្នាក់ៗខុសគ្នាៗ ដោយពេលខ្លះយើងគិតថាការងារមួយដែលមនុស្សណាម្នាក់កំពុងធ្វើគឺជាក្តីស្រម៉ៃរបស់យើង តែសម្រាប់គេវាអាចនឹងលើសពីនេះ ។
ជាក់ស្តែង កញ្ញា ចិន្តា គឺជានារីម្នាក់ដែលមានមហិច្ឆតាយ៉ាងធំ ដែលកញ្ញាបានផ្លាស់ប្តូរប្តូរខ្លួនពីនារីអាកាសចរណ៍ម្នាក់ មកជានារីអាកាសយាននិកខ្មែរទី១ យ៉ាងល្បីល្បាញ ។ចិន្តា ធ្លាប់ជានិស្សិតដែលបញ្ចប់ការសិក្សាផ្នែក បដិសណ្ឋារកិច្ច និងទេសចរណ៍ បន្ទាប់មកក៏បានក្លាយអ្នកអ្នកបម្រើការលើយន្តហោះបានតាមបំណង ។ ប៉ុន្តែកញ្ញាមិនបានបញ្ចប់ក្តីស្រមៃក្នុងការក្លាយជាអ្នកបើកយន្តហោះមួយរូបឡើយ រហូតដល់សម្រេចចិត្តបន្តការហ្វឹកហាត់ជាពីឡុតនៅឯក្រៅប្រទេស ។ ប្រមាណជា៤ឆ្នាំ ក្នុងការខិតខំប្រឹងប្រែង កញ្ញាក៏ទទួលបានជោគជ័យ ។មិត្តភក្តិរបស់ចិន្តា បានបង្ហោះសារនៅលើគណនីហ្វេសប៊ុកឈ្មោះ Sreymom Kong រម្លឹកអនុស្សាវរីយ៍ និង អបអរសាទរមិត្តរួមការងារខ្លួន ជាភាសាអង់គ្លេស ដែលមានន័យជាភាសាខ្មែរថា៖
“ចិន្តា ដូរី ក្នុងរូបភាពនេះ បានរម្លឹកខ្ញុំនៅពេលដែលបងបានបង្រៀនខ្ញុំឱ្យឆុងកាហ្វេ ។ ហើយឥឡូវនេះ រំលងបាន៤ឆ្នាំ បងអាចបើកយន្តហោះបាន ។ ខ្ញុំពិតជាមានមោទភាពចំពោះបងណាស់ ហើយពេលនេះខ្ញុំចង់ឱ្យបងបង្រៀនខ្ញុំឱ្យបើកយន្តហោះដូចគ្នា ៕
