…គ្រាន់តែរូបថតប៉ុន្មានសន្លឹកបានបង្ហោះភ្លែតនៅក្នុងបណ្តាញសង្គមបានធ្វើឲ្យប្រជាពលរដ្ឋអេហ្សីបក្តៅក្រហាយយ៉ាងខ្លាំងហើយស្រែកទាមទារសំណូមពរឲ្យប៉ូលិសតាមចាប់ឲ្យបាននូវតួអង្គប្រុស ស្រីក្នុងរូបថតនេះ។ អ្នក ថតរូបម្នាក់ បានធ្វើឳ្យប្រជាពលរដ្ឋអាហ្ស៊ីបទូទាំងទាំងប្រទេស និងមនុស្សជាច្រើនលើសកលលោកខឹងសម្បាយ៉ាងខ្លាំង បន្ទាប់ពីបុរសរូបនេះ បាននាំមិត្តស្រីឡើងទៅលើកំពូលប្រសាទពីរ៉ាមីត ដើម្បីថតរូប ក៏ដូចជាឃ្លីបអាសអាភាស ផ្សព្វផ្សាយលើបណ្ដាញសង្គមហ្វេសប៊ុក និងយូធូប ។
បុរសម្នាក់នេះឈ្មោះ Andreas Hvid ជាអ្នកជំនាញថតរូបម្នាក់ ចំណែកនារីជាមិត្តស្រីមិនបានស្គាល់អត្តសញ្ញាណឡើយ ។ តាមរយៈរូបថត ក៏ដូចជាវីដេអូឃ្លីប ដែលថត និងបង្ហោះដោយ Andreas Hvid ផ្ទាល់បានបង្ហាញឳ្យឃើញថា ពួកគេបានព្យាយាមឡើងទៅលើកំពូលប្រាសាទពីរ៉ាមីត ដែលជាសម្បត្តិដ៏មានតម្លៃរបស់មនុស្សជាតិ ហើយអ្វីដែលនឹកស្មានមិនដល់នោះ គឺបន្ទាប់ពីបានឡើងទៅដល់កំពូលប្រាសាទហើយ នារីជាមិត្តស្រីបានដោះអាវចេញ មិនតែប៉ុណ្ណោះ Andreas Hvid ក៏បានបន្ថែមរូបថតមួយសន្លឹកបង្ហាញពីសកម្មភាពរបស់ពួកគេរួមរ័កនៅលើកំពូលប្រាសាទតែម្ដង ។
បន្ទាប់ពីករណីខាងលើ បានបង្កជាភាពក្ដៅក្រហាយហើយនោះ ក្រុមជំនាញក៏បាននាំគ្នាពិនិត្យមើលសកម្មភាពនៅក្នុងរូបថត ក៏ដូចជាវីដេអូឃ្លីបរបស់ Andreas Hvid បានឳ្យដឹងថា ពុំមែនជាសកម្មភាពសិល្បៈឡើយ ពោលគឺពួកគេមានចេតនាប្រព្រឹត្តពិតៗតែម្ដង ពេលនេះ អាជ្ញាធរអេហ្ស៊ីនបានកំណត់អត្តសញ្ញាណជនខាងលើ និងបានស្វែងរកចាប់ខ្លួន ដែលធ្វើយ៉ាងណាឳ្យលឿនជាទីបំផុត ៕