…និយាយតាមត្រង់ដោយសារមើលឃើញទៅចុះ…កាលពីជនជាតិចិនពពាក់ពពូនឆ្លងដែនចូលមកស្រុកខ្មែរ ពិសេសទៅប្រមូលផ្តុំច្រើនជាងគេនៅក្នុងក្រុងព្រះសីហនុមានអ្នកខ្លះរអ៊ូរទាំថា ចិនមកដណ្តើមការងារពីម្ចាស់ស្រុក លុះដល់ចិនត្រឡប់ទៅវិញទាំងហ្វូងៗមានអ្នកខ្លះមុខស្ងួតនិយាយពីនេះស្តាយចិនដែលត្រឡប់ទៅវិញហើយមានអ្នកខ្លះលើកឡើងថាចិនទៅវិញព្រោះតែកម្ពុជាបិទល្បែងអនឡាញ។ចំពោះការលើកឡើងពីការចាកចេញរបស់ចិនដោយភ្ជាប់ជាមួយល្បែងអនឡាញនោះពុំមែនជាការពិតនោះឡើយ។
មន្ត្រីជាន់ខ្ពស់នៃអគ្គនាយកដ្ឋានអន្តោប្រវេសន៍របស់ក្រសួងមហាផ្ទៃបានអះអាងថា ជនជាតិចិន បានចាកចេញពីកម្ពុជា ជាង៤០ម៉ឺននាក់ នៅឆ្នាំ២០១៩ មិនមែនមកពីករណីបិទល្បែងអនឡាញនោះឡើយ។ លោក កែវ វណ្ណថន អគ្គនាយករងនៃអគ្គនាយកដ្ឋានអន្តោប្រវេសន៍ បានប្រាប់សារព័ត៌មាន ថា គិតត្រឹមរយៈពេល៥ខែ គឺចាប់ពីខែសីហា ដល់ធ្នូ ឆ្នាំ២០១៩ នោះ មានជនជាតិចិនជាង៤០ម៉ឺននាក់ ដែលប្រើប្រាស់ប្រភេទ Visa E ចាកចេញកម្ពុជា ។បើតាមលោក វណ្ណថន ដ្បិតជនជាតិចិនទាំងនោះចាកចេញក្តី ប៉ុន្តែក៏មានជនជាតិចិនចូលមកកម្ពុជាវិញជាង៣២ម៉ឺននាក់ដែរ។ «ចំនួនតួលេខទាំងពីរនេះ គឺចេញច្រើនជាងចូលប្រមាណ៧ម៉ឺននាក់។ ចំនួនចេញច្រើនជាងចំនួនចូលនេះ ដោយសារជារដូវកាលទេសចរណ៍មានឡើងមានចុះ»។ កន្លងមកសម្ដេចតេជោ ហ៊ុន សែន បានមានប្រសាសន៍ថា ការបើកឱ្យមានល្បែងអនឡាញនេះ វាធ្វើកម្ពុជាជួបបញ្ហាប្រឈមពីរ គឺ បញ្ហាលាងលុយកខ្វក់ និងបញ្ហាអសន្តិសុខ ដែលបង្កឡើងដោយក្រុមម៉ាហ្វីយ៉ា ។ ហើយ បញ្ហាទាំងនេះ វានឹងធ្វើឱ្យប៉ះពាល់ដល់ការវិនិយោគ និងសេដ្ឋកិច្ចកម្ពុជា ដូច្នេះមានតែការលុបបំបាត់ចោលល្បែងអនឡាញទេ ទើបកម្ពុជាអាចរក្សាស្ថិរភាពសេដ្ឋកិច្ចបាន។
បច្ចុប្បន្នកម្ពុជាមានកាស៊ីណូ២១៨កន្លែងដែលបានចុះបញ្ជី ខណៈកាស៊ីណូត្រឹមតែ១៤០កន្លែងប៉ុណ្ណោះ បានដំណើរការ។ បើតាមការប៉ាន់ប្រមាណរបស់លោក រស់ ភីរុណ អគ្គនាយករងក្រសួងសេដ្ឋកិច្ច និងហិរញ្ញវត្ថុថា នៅឆ្នាំ២០២០នេះ ចំនួនកាស៊ីណូនឹងធ្លាក់ចុះ សល់ត្រឹម៩០កន្លែងប៉ុណ្ណោះ ដោយសារការបញ្ឈប់អាជីវកម្មល្បែងអនឡាញ។ បើតាមលោក រស់ ភីរុណ ខេត្តព្រះសីហនុមានកាស៊ីណូ១០៨កន្លែងខេត្តបន្ទាយមានជ័យមាន២៥កាស៊ីណូ ខេត្តស្វាយរៀងមានកាស៊ីណូចំនួន១៨ និងនៅភ្នំពេញមាន១កន្លែង។សូមបញ្ជាក់ថា ជនជាតិចិនដែលត្រូវបណ្តេញចេញពីកម្ពុជាក្នុងឆ្នាំ ២០១៩ មានជាង៩២៦នាក់ បើធៀបនឹងឆ្នាំ២០១៨ ថយចុះ២៤នាក់ ស្មើនឹង២.៥៣ភាគរយ។ ជនជាតិចិន ដែលត្រូវបណ្ដេញទាំងនោះ ភាគច្រើនប្រព្រឹត្តបទល្មើស ឆបោកតាមប្រព័ន្ធទូរគមនាគមន៍(Telecom Fraud) បើកល្បែងអនឡាញខុសច្បាប់ និងបទល្មើសសេដ្ឋកិច្ចជាដើម។ នេះបើតាមរបាយការណ៍ដែលទទួលបានពី លោក កែវ វណ្ណថន៕ចិនវេចសម្ពាយទៅស្រុកវិញពុំមែនមកពីបិទល្បែងអនឡាញទេ គឺមកពីរដូវកាលទេសចរណ៍
…និយាយតាមត្រង់ដោយសារមើលឃើញទៅចុះ…កាលពីជនជាតិចិនពពាក់ពពូនឆ្លងដែនចូលមកស្រុកខ្មែរ ពិសេសទៅប្រមូលផ្តុំច្រើនជាងគេនៅក្នុងក្រុងព្រះសីហនុមានអ្នកខ្លះរអ៊ូរទាំថា ចិនមកដណ្តើមការងារពីម្ចាស់ស្រុក លុះដល់ចិនត្រឡប់ទៅវិញទាំងហ្វូងៗមានអ្នកខ្លះមុខស្ងួតនិយាយពីនេះស្តាយចិនដែលត្រឡប់ទៅវិញហើយមានអ្នកខ្លះលើកឡើងថាចិនទៅវិញព្រោះតែកម្ពុជាបិទល្បែងអនឡាញ។ចំពោះការលើកឡើងពីការចាកចេញរបស់ចិនដោយភ្ជាប់ជាមួយល្បែងអនឡាញនោះពុំមែនជាការពិតនោះឡើយ។
មន្ត្រីជាន់ខ្ពស់នៃអគ្គនាយកដ្ឋានអន្តោប្រវេសន៍របស់ក្រសួងមហាផ្ទៃបានអះអាងថា ជនជាតិចិន បានចាកចេញពីកម្ពុជា ជាង៤០ម៉ឺននាក់ នៅឆ្នាំ២០១៩ មិនមែនមកពីករណីបិទល្បែងអនឡាញនោះឡើយ។ លោក កែវ វណ្ណថន អគ្គនាយករងនៃអគ្គនាយកដ្ឋានអន្តោប្រវេសន៍ បានប្រាប់សារព័ត៌មាន ថា គិតត្រឹមរយៈពេល៥ខែ គឺចាប់ពីខែសីហា ដល់ធ្នូ ឆ្នាំ២០១៩ នោះ មានជនជាតិចិនជាង៤០ម៉ឺននាក់ ដែលប្រើប្រាស់ប្រភេទ Visa E ចាកចេញកម្ពុជា ។បើតាមលោក វណ្ណថន ដ្បិតជនជាតិចិនទាំងនោះចាកចេញក្តី ប៉ុន្តែក៏មានជនជាតិចិនចូលមកកម្ពុជាវិញជាង៣២ម៉ឺននាក់ដែរ។ «ចំនួនតួលេខទាំងពីរនេះ គឺចេញច្រើនជាងចូលប្រមាណ៧ម៉ឺននាក់។ ចំនួនចេញច្រើនជាងចំនួនចូលនេះ ដោយសារជារដូវកាលទេសចរណ៍មានឡើងមានចុះ»។ កន្លងមកសម្ដេចតេជោ ហ៊ុន សែន បានមានប្រសាសន៍ថា ការបើកឱ្យមានល្បែងអនឡាញនេះ វាធ្វើកម្ពុជាជួបបញ្ហាប្រឈមពីរ គឺ បញ្ហាលាងលុយកខ្វក់ និងបញ្ហាអសន្តិសុខ ដែលបង្កឡើងដោយក្រុមម៉ាហ្វីយ៉ា ។ ហើយ បញ្ហាទាំងនេះ វានឹងធ្វើឱ្យប៉ះពាល់ដល់ការវិនិយោគ និងសេដ្ឋកិច្ចកម្ពុជា ដូច្នេះមានតែការលុបបំបាត់ចោលល្បែងអនឡាញទេ ទើបកម្ពុជាអាចរក្សាស្ថិរភាពសេដ្ឋកិច្ចបាន។
បច្ចុប្បន្នកម្ពុជាមានកាស៊ីណូ២១៨កន្លែងដែលបានចុះបញ្ជី ខណៈកាស៊ីណូត្រឹមតែ១៤០កន្លែងប៉ុណ្ណោះ បានដំណើរការ។ បើតាមការប៉ាន់ប្រមាណរបស់លោក រស់ ភីរុណ អគ្គនាយករងក្រសួងសេដ្ឋកិច្ច និងហិរញ្ញវត្ថុថា នៅឆ្នាំ២០២០នេះ ចំនួនកាស៊ីណូនឹងធ្លាក់ចុះ សល់ត្រឹម៩០កន្លែងប៉ុណ្ណោះ ដោយសារការបញ្ឈប់អាជីវកម្មល្បែងអនឡាញ។ បើតាមលោក រស់ ភីរុណ ខេត្តព្រះសីហនុមានកាស៊ីណូ១០៨កន្លែងខេត្តបន្ទាយមានជ័យមាន២៥កាស៊ីណូ ខេត្តស្វាយរៀងមានកាស៊ីណូចំនួន១៨ និងនៅភ្នំពេញមាន១កន្លែង។សូមបញ្ជាក់ថា ជនជាតិចិនដែលត្រូវបណ្តេញចេញពីកម្ពុជាក្នុងឆ្នាំ ២០១៩ មានជាង៩២៦នាក់ បើធៀបនឹងឆ្នាំ២០១៨ ថយចុះ២៤នាក់ ស្មើនឹង២.៥៣ភាគរយ។ ជនជាតិចិន ដែលត្រូវបណ្ដេញទាំងនោះ ភាគច្រើនប្រព្រឹត្តបទល្មើស ឆបោកតាមប្រព័ន្ធទូរគមនាគមន៍(Telecom Fraud) បើកល្បែងអនឡាញខុសច្បាប់ និងបទល្មើសសេដ្ឋកិច្ចជាដើម។ នេះបើតាមរបាយការណ៍ដែលទទួលបានពី លោក កែវ វណ្ណថន៕
