…ខណៈឃើញប្រពន្ធកំពុងដេកលក់ចំហមាត់…ប្តីទាញការមេរ៉ាថតឆ្វាច់ៗ យកទៅឲ្យជាងសាក់តាមនៅលើរូបកាយរបស់ខ្លួន..លុះដល់ប្រពន្ធឃើញ ខឹងឡើងញ័រខ្លួន…តែអត់បានចេញក្បាច់គុនដាក់គ្នានោះទេ។បុរសជនជាតិអាមេរិកម្នាក់កំពុងធ្វើឱ្យប្រពន្ធសំណព្វឆេះដុំ បន្ទាប់ពីគាត់បានសាក់រូបប្រពន្ធគាត់លើខ្លួន នៅពេលដែលនាងកំពុងគេងស្រមុក។
លោកស្រី Kelly McGraw អាយុ ៣៧ឆ្នាំ ជាម្តាយដែលមានកូន៥នាក់ បាននិយាយថា ប្តីរបស់គាត់ឈ្មោះ James McGraw អាយុ ៤០ឆ្នាំ ម្ដងនេះគឺធ្វើបាបគាត់ធ្ងន់ធ្ងរណាស់ ដោយលួចថតរូបគាត់ពេលគេងលក់ស្រមុកចំហមាត់ហើយ ថែមទាំងបានសាក់រូបហ្នឹងលើខ្លួនទៀត។ គាត់បាននិយាយថា ពួកគាត់គឺជាគ្រួសារដ៏សាមញ្ញមមួយ ហើយពួកគាត់តែងតែ Prank គ្នា ដោយសារថាវាគឺជារឿងញោះគ្នាលេងសើចប៉ុណ្ណោះ ប៉ុន្តែលើកនេះគឺគាត់ខឹងខ្លាំងមែនទែន ហើយគាត់ស្អប់រូបនោះខ្លាំងណាស់។
រូបថតនេះត្រូវបានផ្អែកលើរូបថតភរិយារបស់គាត់នាង Kelly McGraw បានគេងលង់លក់ ពេលដែលពួកគេទាំងពីរកំពុងធ្វើដំណើរតាមជើងយន្តហោះ ។ រូបថតនៃការសាក់នេះដំបូងឡើយបានបង្ហោះដោយផេកហេ្វសប៊ុករបស់ប្តីគាត់ ប៉ុន្តែត្រូវបានលុបចេញទៅវិញ។ ទោះបីជាប្រពន្ធរបស់គាត់ខឹងក៏ដោយ លោក James ហាក់ដូចជាជឿថា prank នេះគ្រាន់តែជារឿងកំប្លែងប៉ុណ្ណោះ។ ប៉ុន្តែយ៉ាងណាលោកក៏មិនអាចសប្បាយចិត្តបានយូរនោះដែរ ព្រោះថាប្រពន្ធគាត់អាចកំពុងរៀបគម្រោងធ្វើបាបគាត់វិញម្ដងក៏ថាបាន៕
Home សង្គមប្លែកៗ ប្រពន្ធដេកលក់ចំហមាត់…ប្តីថតឆ្វាច់យកទៅសាក់លើខ្លួនប្រពន្ធខឹងឡើងញ័រខ្លួនដូចអារក្សជាន់