ស្ដ្រីជាម្តាយម្នាក់នេះនៅខេត្តហ៊ូប៉ីប្រទេសចិនត្រូវបានបញ្ជូនទៅមន្ទីរពេទ្យ បន្ទាប់ពីនាងបានលេបថ្នាំងងុយគេងហួសកម្រិតដោយសារខឹងកូនប្រុសខ្វះសមត្ថភាពលើគណិតវិទ្យា។
យោងតាមកាសែត Chang Jiang Daily News បានឱ្យដឹងថា ទោះបីជាកូនប្រុសរបស់នាងទើបតែមានអាយុ ៧ ឆ្នាំក៏ដោយក៏ Xu និងប្តីរបស់ខ្លួនមានការព្រួយបារម្ភជាខ្លាំងចំពោះការសិក្សារបស់កូន។ ដូចនោះអ្នកទាំងពីរបានចុះហត្ថលេខាជាមួយគាត់សម្រាប់ថ្នាក់បន្ថែម និងបង្រៀនគួរជាច្រើនទៀត ហើយថែមទាំងក្លាយខ្លួនជាគ្រូបង្រៀនបន្ថែមទៀតនៅពេលយប់។កាលពីថ្ងៃសុក្រសប្តាហ៍មុន (១៣ ធ្នូ) Xu បាត់បង់ការអត់ធ្មត់របស់ខ្លួនដោយសារតែកូន។ ទោះបីជាមានការពន្យល់សំណួរគណិតវិទ្យាមួយអស់រយៈពេលជាងកន្លះម៉ោងក៏ដោយក៏កូនប្រុសរបស់នាងនៅតែមិនយល់ពីវិធីដោះស្រាយ។ភាពអត់ធ្មត់បានបាត់បង់ ហើយអ្នកទាំងពីរបានឈ្លោះប្រកែកគ្នាយ៉ាងខ្លាំង មុនពេលប្តីរបស់ Xu ចូលមកសម្របសម្រួល ហើយទទួលវេនបង្ហាត់កូនប្រុសបន្តនៅពេលយប់។ ទោះយ៉ាងណា Xu នៅតែមានកំហឹង។ដោយមានកំហឹងខ្លាំងពេក នាងបានចាប់យកថ្នាំងងុយដេកមួយកំប៉ុងហើយលេបវា ៧ គ្រាប់ដោយក្នុងពេលតែមួយ។ ខណៈពេលដែលនាងចាប់ផ្តើមមានអារម្មណ៍ស្ងប់ នាងដឹងភ្លាមៗថាមានអ្វីមួយមិនស្រួលកើតឡើង នៅពេលដែលនាងចាប់ផ្តើមវិលមុខខ្លាំង។
កាសែត Sin Chew Daily បានរាយការណ៍ថានាងមិនបានបង្ហាញសញ្ញានៃផលប៉ះពាល់អ្វីនោះទេ បន្ទាប់ពីនាងត្រូវបានគេដឹកទៅមន្ទីរពេទ្យ ហើយត្រូវបានបង្ខំឱ្យក្អួត។ពេទ្យផ្នែកក្រពះពោះវៀនបាននិយាយថា "នេះជាលើកទីមួយហើយដែលខ្ញុំបានជួបអ្នកជំងឺដែលបានលេបថ្នាំងងុយគេងដោយសារតែលំហាត់សាលារបស់កូនៗពួកគេ"៕
