…នៅស្រុកខ្មែរកាលពីប៉ុន្មានឆ្នាំមុននេះមានហ្មដំរីប៉ុន្មានក្បាលរួចមកហើយបានបាត់បង់សង្ខាក្រោមទម្ងន់ជើងដំរីដែលជាសត្វចិញ្ចឹមរបស់ខ្លួន។ ហើយចំពោះគ្រោះថ្នាក់នេះច្រើនកើតឡើងពេលដែលដំរីចុះប្រេង កើតមាននូវអារម្មណ៍មួរម៉ៅ។ កាលពីពេលកន្លងទៅនេះដំរីឈ្មោលឡើងប្រេងមួយក្បាល បានជាន់ឈ្លីហ្មរបស់វារហូតដល់ស្លាប់ យ៉ាងអណោចអធមបំផុត នៅមុខភ្ញៀវទេសចរដែលមានការតក់ស្លុតនៅក្នុងសួនសត្វមួយកន្លែង ស្ថិតនៅភាគខាងត្បូងប្រទេសចិន។ដំរីទម្ងន់២តោន១ក្បាលនេះ មានអាយុ៥៦ឆ្នាំ ត្រូវបានគេរាយការណ៍ថា វាចង់រកញី ខណៈពេលដែលទន្ទ្រាំលើហ្មរបស់វា នៅទីក្រុង Changshaនៃខេត្ត Hunan ។
ករណីដំរីជាន់មនុស្សរហូតដល់ស្លាប់នេះ បានកើតឡើងមុនពេលសម្តែងសៀក កាលពីថ្ងៃអង្គារសប្តាហ៍មុន ហើយត្រូវថតបានដោយភ្ញៀវទេសចរ ដែលរង់ចាំមើលការសម្តែង។យោងតាមការអះអាងរបស់សួនសត្វ Changsha Ecological Zoo ជាកន្លែងដែលសោកនាដកម្មកើតឡើង បាននិយាយថា ដំរីឡើងប្រេងមួយក្បាលនេះ មានឈ្មោះ អៃ-អាយ បានរស់នៅក្នុងទីក្រុង Changshaអស់រយៈពេល១០ឆ្នាំមកហើយ មុនពេលដែលឧប្បត្តិហេតុកើតឡើង ហើយវាជាដំរីស្លូតទេ។វារង់ចាំការចូលឆាកសម្តែង ពេលដែលវាវាយប្រហារមកលើហ្មរបស់វា គឺលោក Bu ។ហ្ម៥នាក់ផ្សេងទៀត បានព្យាយាមធ្វើឲ្យដំរីរម្ងាប់ចិត្តដោយប្រើប្រាស់ដំរីមួយក្បាលទៀតកៀងវាចេញ មុនពេលនាំលោក Buទៅកាន់មន្ទីរពេទ្យ។ជនរងគ្រោះ បាន ស្លាប់ ដោយក្រុមវេជ្ជបណ្ឌិត សង្គ្រោះ មិនបានជោគជ័យ។
វីដេអូដែលបានបង្ហោះលើវែបសាយ Weibo ឃើញដំរី៣ក្បាល ដែលរួមទាំងដំរីឡើងប្រេង អៃ-អាយ បានឈរនៅលើឆាកសម្តែង ហើយភ្លាមៗនោះ ស្រាប់តែដំរី អៃ-អាយបានជាន់ឈ្លីលើហ្មរបស់វា នៅលើដី៕
