…នាងក្រមុំម្នាក់នេះប្រាកដជាបានកើតមានជំនឿស៊ប់ក្នុងខ្លួនថាបើដណ្តើមបានបាច់ផ្កានោះនឹងឆាប់មានគូគ្រង ទើបស្ទុះវឹងដេញដណ្តើមគេឯងពេញរោងការដោយគ្មានខ្មាស់អៀនបន្តិចណាសោះឡើយ។ នៅក្នុងពិធីមង្គលការរបស់ជនជាតិបរទេស គឺតែងតែមានការចាប់បាច់ផ្កាពីកូនក្រមុំជានិច្ច ហើយសម្រាប់ស្ត្រីណាដែលចាប់បានបាច់ផ្កា នោះមានន័យថានឹងត្រូវរៀបការបន្ទាប់។
ថ្មីៗកន្លងទៅនេះ នៅក្នុងពិធីមង្គលការមួយ ស្ត្រីម្នាក់បានរត់ទៅដណ្ដើមបាច់ផ្កាពីគេ ទាំងដែលខ្លួនមិនមែនជាអ្នកចាប់បាន។ យោងតាមវីដេអូបានបង្ហាញឲ្យឃើញថា កូនក្រមុំបានបែរខ្នង ហើយបោះបាច់ផ្កាទៅខាងក្រោយ ដើម្បីឲ្យភ្ញៀវចាំចាប់។ ពេលនោះ ស្ត្រីម្នាក់ដែលពាក់រ៉ូបខ្មៅគឺជាអ្នកចាប់បាច់ផ្កាបាន តែមានស្ត្រីម្នាក់ទៀតដែលពាក់រ៉ូបផ្កាឈូក បានស្ទុះរត់ទៅដណ្ដើមយកបាច់ផ្កាទាល់តែបាន ហើយដើរអួតបង្ហាញធ្វើព្រងើយ។
ជុំវិញសកម្មភាពខាងលើនេះមិនបានបង្កទៅជាជម្លោះ ឬឈានដល់ហិង្សាឡើយ។ ចំណែកឯវីដេអូត្រូវបានបង្ហោះទៅលើបណ្ដាញអ៊ីនធឺណេត ក៏ទទួលបានការចាប់អារម្មណ៍ និងហួសចិត្តយ៉ាងខ្លាំងពីសំណាក់មហាជនណាស់ដែរ ហើយក៏មានមហាជនមួយចំនួនបានលើកឡើងផងថា ទង្វើរបស់ស្ត្រីរូបនោះ គឺជាទង្វើអសីលធម៌មួយដែលមិនគួរកើតឡើងឡើយ៕
Home សង្គមប្លែកៗ ឃើញគេរៀបការ ចង់មានគូឡើងញ័រខ្លួនប្រឹងដណ្តើមយកបាច់ផ្កាអត់ខ្មាស់នរណាមួយសេន