…តុដែលមានកញ្ចក់ក្រាលពីលើហើយម្តងកាលដាក់ចង្ក្រានហ្គាសឬចង្ក្រានអគ្គិសនីពីលើដើម្បីចម្អិនស៊ុបឬអាំងសាច់ក្រោយពីបានស្តាប់នូវដំណើររឿងមួយនេះប្រាកដជាប្រិយមិត្តមានចិត្តខ្លាចរអាបន្តិចហើយ។ស្ត្រីជនជាតិសិង្ហបុរីមួយរូបបានចែកចាយរឿងរបស់នាងនៅលើប្រព័ន្ធអ៊ីនធឺណិត ជុំវិញហេតុការណ៍ផ្ទុះផ្ទាំងកញ្ចក់នៃតុមួយជា ជាច្រើនបំណែក អំឡុងពេលដែលប្រើប្រាស់ចង្ក្រានអគ្គិសនីចម្អិនស៊ុបនៅលើតុនាអាហារពេលល្ងាច ស្រាប់តែស្ត្រីឈ្មោះ Chu និងមិត្តភក្តិរបស់នាង បានជួបហេតុការណ៍ដ៏គួរឲ្យញញើតមួយ ដែលផ្ទៃកញ្ចក់តុទាំងអស់ផ្ទុះបែកខ្ចាយ រហូតបំណែកខ្លះទម្លុះចាក់ចូលផ្នែករាងកាយរបស់នាងនិងមិត្តភក្តិ មើលហើយគួរឲ្យញញើតខ្លាំងបំផុត។
ក្រោយពីកើតហេតុការណ៍នេះហើយ នាងមិនហ៊ានរើខ្លួនចេញពីទីតាំងនោះទេ ពោលគឺព្យាយាមនៅមួយកន្លែងនិងខ្លះឡើងទៅអង្គុយលើសាឡុងជាប់ ហើយប្រញាប់តេហៅក្រុមសង្គ្រោះបន្ទាន់មកជួយនាង ព្រោះនៅលើឥដ្ឋសុទ្ធតែអំបែងកញ្ចក់។មិនប្រាកដថាមកពីគុណភាពនៃតុកញ្ចក់មានសភាពអន់ឬបែបណានោះទេ ប៉ុន្តែ Chu បានទាក់ទងទៅកាន់ក្រុមហ៊ុនលក់គ្រឿងបរិក្ខារតុទូដែលនាងបានទិញនោះ ដើម្បីទាមទារសំណងថ្លៃខូចខាតលើការព្យាបាលនិងថ្នាំពេទ្យផ្សេងៗ ប៉ុន្តែខាងក្រុមហ៊ុនបានព្រមសងតែលើការផ្លាស់ប្តូរតុថ្មីឲ្យនាងតែប៉ុណ្ណោះ។
យ៉ាងណាមិញដំណើររឿងនេះជាសារមួយដែលគ្រប់គ្នាគួរប្រុងប្រយ័ត្នខ្លាំងបំផុត ព្រោះជាធម្មតាកញ្ចក់និងរបស់ក្តៅ វាមិនអាចនៅជាមួយគ្នាបានយូរនោះឡើយ អ៊ីចឹងគួរប្រយ័ត្នជៀសវាងកើតហេតុការណ៍ដ៏គួរឲ្យខ្លាចដូចខាងលើនេះ៕
