…បុរសជាឪពុកម្នាក់នេះ ថ្វីបើបរាជ័យមិនអាចបោកប្រាស់ភ្នែកកូនប្រុសរបស់ខ្លួនបានតែរូបភាពដែលបានបង្ហោះទៅមានអ្នកចូលទស្សនារហូតដល់ទៅខ្ទង់លានឯណ្នោះ។ជាការពិតណាស់ សម្រាប់ក្មេងតូចៗតែងតែយំរកម្ដាយ នៅពេលដែលម្ដាយមិននៅក្បែរ ។ថ្ងៃមួយ លោក Sato ស្រាប់តែនឹកឃើញនូវវិធីបោកប្រាស់ភ្នែកកូនប្រុសដោយលោកបានយកក្រដាសកាតុងធ្វើជារូបប្រពន្ធដាក់តាំងក្នុងផ្ទះ ដើម្បីកុំឲ្យកូនប្រុសវ័យ១ឆ្នាំរបស់គាត់យំសួររកម្ដាយ។
លោក Sato បានកុម្ម៉ង់ធ្វើរូបប្រពន្ធរបស់គាត់ចំនួនពីរ ចេញពីក្រដាសកាតុង នៅហាងព្រីនរូបមួយកន្លែង។ គាត់ក៏បានសាកល្បងឲ្យប្រពន្ធឈរនៅក្នុងផ្ទះបាយដើម្បីបន្លំភ្នែកកូនសិន រួចយករូបក្រដាសកាតុងមកដាក់តាំងជំនួសវិញ ហើយឲ្យប្រពន្ធរត់ចេញ។ ចំពោះវិធីសាស្ត្រនេះ មានប្រសិទ្ធភាពត្រឹមតែរយៈពេល២០នាទីប៉ុណ្ណោះ ហើយចុងក្រោយកូនប្រុសរបស់គាត់ក៏ចាប់ផ្ដើមយំរកម្ដាយ បន្ទាប់ពីដឹងការពិត។
ចំពោះវីដេអូដែលលោក Santo បានបង្ហោះទៅលើបណ្ដាញសង្គម Twitter ទទួលបានការចាប់អារម្មណ៍យ៉ាងខ្លាំង និងមានអ្នកចូលទស្សនារហូតដល់២លានដង៕
