…ព្រោះតែស្រឡាញ់ខ្យល់ព្យុះពេក ចង់ស្វិតនៅឲ្យកៀកនឹងខ្យល់ព្យុះបុរសម្នាក់នេះបានទិញរថយន្តមួយគ្រឿងដែលមានទម្ងន់មិនអាចឲ្យកម្លាំងខ្យល់ព្យុះបកបំប៉ោងបាននោះឡើយ ទោះកំពុងស្ថិតក្នុងរង្វង់ខ្យល់ព្យុះក្តី។លោក Ryan Shepard បានទិញរថយន្តឈ្មោះ Tornado Intercept Vehicle ដែលគេប្រើដំបូងក្នុងភាពយន្ត Tornado Alley និងអាចទប់ទល់នឹងល្បឿនខ្យល់ ២៨២ គីឡូម៉ែត្រក្នុងមួយម៉ោង បន្ទាប់ពីធ្វើតេស្តក្នុងព្យុះមែនទែន។
រថយន្តទម្ងន់ជិត៦,៥តោន ដែលមើលទៅស្រដៀងរថយន្ត Batmobile ត្រូវបានសាងសង់ឡើងក្នុងឆ្នាំ២០០៧ ហើយលោក Shepard បានឃើញវាលើកដំបូងក្នុងពេលធ្វើការជាជំនួយការផលិតកុនសម្រាប់រឿង Tornado Alley ដែលដាក់បញ្ចាំងក្នុងឆ្នាំ២០១១។ក្រោយពីបានប្រើសម្រាប់ភាពយន្តនេះរួចមក រថយន្ត ដែលសាងសង់ចេញពីរថយន្តម៉ាក Dodge Ram 3500 នឹងត្រូវប្រើនៅក្នុងភាពយន្តមួយទៀតនៅនិទាឃរដូវខាងមុខ។ លោក Shepard បានទិញវាពីអ្នកផលិតភាពយន្តរបស់ក្រុមហ៊ុន TIV លោក Sean Casey ហើយបងយកវាពីរដ្ឋ Illinois ទៅស្រុករបស់គាត់នៅក្រុង Greeley ក្នុងពេល២ថ្ងៃ។
លោក Shepard និយាយថាអំឡុងពេលធ្វើដំណើរ គាត់ត្រូវអ្នកដំណើរដទៃទៀតស្កាត់ឱ្យឈប់ឥតស្រាកស្រានដើម្បីសុំមើលឡានចម្លែករបស់គាត់។ គាត់ចាប់ផ្តើមស្រឡាញ់ខ្យល់ព្យុះពេលចូលរួមវគ្គបើកយន្តហោះនៅសាកលវិទ្យាល័យមួយកាលពី ១៤ ឆ្នាំមុន៕
