…រឿងរ៉ាវខ្លះរបស់សត្វឆ្កែដែលដេកសុំកុកនៅពីមុខផ្នូរសព និងមុខក្រៀមក្រំអង្គុយសម្លឹងរូបថតដែលដាក់តាំងពីមុខមឈូសបានចុះផ្សាយជារឿយៗរួមមកហើយនៅលើបណ្តាញសង្គមផ្សេងៗបានក្លាយជាព័ត៌មានដ៏គួរឲ្យសង្វេកក្រៃលែងនៅក្នុងអារម្មណ៍ប្រិយមិត្តផងទាំងឡាយ។នៅពេលនេះសូមលើកយកនូវព័ត៌មានដ៏គួរឲ្យក្តុកក្តួលស្តីពីទឹកចិត្តភក្តីចំពោះម្ចាស់របស់សត្វឆ្មារមួយក្បាលនេះ។ ឆ្មាដ៏គួរឲ្យអាណិតមួយក្បាលនេះ ឈ្មោះ Rambo ហាក់ដូចជាមានអារម្មណ៍សោកស្ដាយ និងមិនសប្បាយចិត្តឡើយនៅពេលដែលវាបានឃើញផ្នូរម្ចាស់របស់វា។
អ្នកប្រើប្រាស់បណ្ដាញសង្គមម្នាក់បានចែករំលែក អំពីរឿងរ៉ាវឆ្មាដែលឪពុកគាត់បានយកមកចិញ្ចឹម និងស្រលាញ់ឆ្មានោះណាស់ ហើយវាតែងតែទៅណាជាមួយនឹងគាត់ជានិច្ច សូម្បីពេលដេក។ នៅថ្ងៃដែលឪពុកគាត់ទទួលមរណៈភាព Rambo បានធ្លាក់ខ្លួនឈឺ ហើយខ្លួនប្រាណរបស់វាប្រែជាក្ដៅ ហើយមិនចង់ស៊ីអ្វីឡើយ។ ហើយនៅរាត្រីយប់នៃការប្រារព្ធពិធីបុណ្យសព Rambo ហាក់ដូចបានធូរស្បើយឡើងវិញ ព្រមទាំងបានអង្គុយស្ដាប់ ហាក់ដូចជាវាអាចស្ដាប់យល់អីចឹង។ បន្ទាប់ពីកម្មវីធីបុណ្យសពចប់ វាក៏ឈឺម្ដងទៀត ហើយលោក Fadhil Raihan បានសនិ្នដ្ឋានថានេះមិនមែនជារោគសញ្ញានៃការឈឺចាប់រាងកាយឡើយ តែវាបានបង្ហាញពីភាពមិនសប្បាយចិត្តចំពោះរឿងអ្វីមួយ។ ក្រោយមក Fadhil Raihan ក៏បាននាំ Rambo ទៅលេងផ្នូររបស់ឪពុកគាត់ ហើយពេលទៅដល់វាក៏អង្គុយចុះយ៉ាងស្ងៀមស្ងាត់ ព្រមទាំងបានសម្លឹងមើលទៅផ្នូរឥតដាក់ភ្នែកទៀតផង។
បន្ទាប់ពី Rambo ត្រលប់មកដល់ផ្ទះវិញ វាក៏ចាប់ផ្ដើមមានសភាពប្រក្រតីឡើងវិញជាធម្មតា។ ក្រោយឃើញសភាពឆ្មាបែបនេះលោក Fadhil Raihan បានសនិដ្ឋានទៀតថាសត្វក៏មានអារម្មណ៍ដូចមនុស្សដែរ គ្រាន់តែការបង្ហាញចេញរបស់វាអាចខុសពីយើង។
