…កំពុងតែហែលទឹកសមុទ្រខ្វៃៗស្រាប់តែមានត្រីមុខស្រួចដូចដាវហែលសំដៅមករកដូចមានកំហឹងសងសឹកយ៉ាងអញ្ចឹង..ធ្វើឲ្យអ្នកទេសចរ២នាក់នេះព្រលឹងចុងសក់បន់អស់ដូនតាឲ្យចុះមកជួយ…តែសំណាងល្អបានអ្នកនេសាទដែលនៅក្បែរជួយសង្គ្រោះទាន់ពេលកុំអីមិនដឹងជាយ៉ាងម៉េចយ៉ាងម៉ានោះទេ។
ហេតុការណ៍ដ៏គួរឲ្យភ្ញាក់ផ្អើលនេះបានកើតឡើងទៅលើ ភ្ញៀវទេសរចរពីនាក់កំពុងហែលទឹកលេងនៅជិតតំបន់ឆ្នេរឈុមផុន ស្ថិតនៅភាគខាងត្បូងប្រទេសថៃ ក៏ស្រាប់តែត្រីមួយក្បាលហែលសំដៅមករកពួកគេ និងបង្កឲ្យមានការភិតភ័យជាខ្លាំង។ តាមការឲ្យដឹងពីអ្នកនេសាទម្នាក់ដែលបានថតវីដេអូនោះលើកឡើងថា គាត់បានឃើញត្រីធំមួយក្បាលគេឲ្យឈ្មោះថា ត្រីដាវដែលត្រីប្រភេទនេះអាចបង្កគ្រោះថ្នាក់ដល់អាយុជីវិតបាន ព្រោះមាត់ដ៏ស្រួចហើយវែងរបស់វា។ លោកបានបន្តថា ត្រីនោះបានហែលយ៉ាងលឿនសំដៅទៅរកអ្នកហែលទឹកទាំងពីរ ហាក់ដូចជាមានកំហឹងមកពីណាក៏មិនដឹង។ តែភ្លាមៗនោះ ក្រុមរបស់លោកក៏បានជួយសង្គ្រោះទាន់ពេលវេលា ព្រមទាំងអាចចាប់ត្រីនោះបានថែមទៀតផង។
គួររម្លឹកផងដែរថា កាលពីឆ្នាំ ២០១៧ កន្លងទៅ ក៏មានបុរសចូលនិវត្តន៍អាយុ ៥៧ ឆ្នាំម្នាក់បានរងរបួសត្រង់ក ដោយសារមាត់ដ៏មុតស្រួចរបស់ត្រីប្រភេទនេះ ដែរ៕
