ម្ដាយរបស់នារីជំទង់វ័យ ១៧ ឆ្នាំជនជាតិកូឡុំប៊ីដែលមានជំងឺកម្របំផុតត្រូវបានគេស្គាល់ថា "ជំងឺដេកស្អាត" បានអំពាវនាវអាជ្ញាធរជួយ ខណៈអ្នកស្រីពិបាកដើម្បីមើលថែនាង។នាង Sharik Tovar មកពីទីក្រុង Acacías ទទួលរងជំងឺឈ្មោះ Kleine-Levin ចាប់តាំងពីនាងមានអាយុ ២ ឆ្នាំ។ ជំងឺដ៏មហាកម្របំផុតនេះ មានមនុស្សតែ ៤០ នាក់ប៉ុណ្ណោះលើពិភពលោកបានកើតវា ហើយវាធ្វើឱ្យអ្នកជំងឺដេកលើសលុប ជាពិសេសការយល់ដឹង និងអត្តចរិតត្រូវផ្លាស់ប្ដូរ។
ក្នុងករណីរបស់ Sharik គឺនាងអាចដេករហូតដល់ទៅ ២ ខែឯណោះ ខណៈដែលម្ដាយរបស់នាងឈ្មោះ Marleny មើលថែ និងបញ្ចុកចំណីដល់នាងរៀងរាល់ម៉ោង។ កាន់តែអាក្រក់ជាងនោះទៅទៀតនារីវ័យ ១៧ ឆ្នាំរូបនេះបានបាត់បង់ចងចាំបណ្ដោះអាសន្នទៀត។លោកស្រី Marleny Tovar បាននិយាយប្រាប់សារព័ត៌មាន Caracol News បន្ទាប់ពីការគេងដ៏យូរបំផុតរបស់កូនស្រី ២ ខែថា "បន្ទាប់ពីការគេងរយៈពេល ៤៨ ថ្ងៃនៅក្នុងខែមិថុនាឆ្នាំមុននាងបានបាត់បង់ការចងចាំជាបណ្តោះអាសន្ន។ នាងបានសួរខ្ញុំថា ខ្ញុំជានរណា"។
ហើយនៅឆ្នាំនេះ អំឡុងពេលខែមករា និងកុម្ភៈ Sharik បានដេកអស់រយៈពេល ២២ ថ្ងៃ ហើយម្ដាយរបស់នាងបញ្ចុកចំណីនាងដោយដៃរៀងរាល់ ៤ ម៉ោងម្ដង។ បច្ចុប្បន្នស្ត្រីជាម្ដាយនឿយហត់នឹងការមើលថែនាង ២៤ ម៉ោង រហូតរត់ទៅរកអាជ្ញារឱ្យជួយ។ ស្ដ្រីជាម្ដាយក៏បានសម្រក់ទឹកភ្នែក នៅពេលជំងឺនេះធ្វើឱ្យកូនរបស់នាងថ្លង់។ដោយឡែកជំងឺ Kleine-Levin គេមិនទាន់ស្គាល់វាច្បាស់នៅឡើយទេ ខណៈដែលថ្នាំព្យាបាលសម្រាប់ជំងឺនេះក៏គ្មានដែរ៕
Home សង្គមប្លែកៗ ស្ត្រីវ័យក្មេងម្នាក់កើតជំងឺមហាកម្រហៅថា ‘’ដេកស្អាត’’ ដេករហូតដល់ទៅពីរខែមិនខ្ចីក្រោក