…រឿងរ៉ាវនេះពិតជាពុំធ្លាប់កើតមានទេ ពីមុនមកដែលប្រុសខ្ទើយហៅថាប៉េដេចាប់រំលោភប្រុសៗមានតួលេខគួរឲ្យបះសក់នោះ។និស្សិតខ្ទើយឥណ្ឌូនេស៊ីម្នាក់នេះ ត្រូវបានទំព័រព័ត៌មានអន្តរជាតិចុះផ្សាយយ៉ាងព្រោងព្រាតថា ជាអ្នករំលោភសេពសន្ថវៈដែលលេចធ្លោជាងគេ គួរឲ្យកត់សម្គាល់នៅក្នុងចក្រភពអង់គ្លេស។ និស្សិតរូបនេះ ត្រូវបានតុលាការកាត់ទោសឲ្យជាប់គុកអស់មួយជីវិតកាលពីថ្ងៃ ០៦ មករា ពីបទរំលោភបុរសដូចគ្នាច្រើននាក់មិនគួរឲ្យជឿ។ អាជ្ញាធរបានបង្ហាញការជឿជាក់យ៉ាងមុតមាំថា និស្សិតឈ្មោះ Reynhard Sinaga បានប្រព្រឹត្តិបទល្មើសដោយរំលោភមនុស្សប្រុសដូចគ្នាយ៉ាងហោចណាស់១៩៥នាក់ក្នុងរយៈពេលត្រឹម១ឆ្នាំកន្លះ។
និស្សិតឈ្មោះ Sinagaរូបនេះ មានអាយុ៣៦ឆ្នាំ។ តាមការបញ្ជាក់ពីសមត្ថកិច្ច ខ្លួនបានទទួលបណ្តឹងច្បាស់ការពីជនរងគ្រោះចំនួន២៣នាក់ហើយ ក្រៅពីនេះក៏នៅមានបណ្តឹងពីជនរងគ្រោះចំនួន៧០នាក់ផ្សេងទៀត ដែលអាជ្ញាធរមិនទាន់បញ្ជាក់អត្តសញ្ញាណនៅឡើយ។ វាជារឿងដ៏គួរឲ្យភ្ញាក់ផ្អើលមួយ ក្រោយដឹងថា Sinaga ធ្លាប់ជាប់គុករហូតដល់៨៨លើករួចមកហើយដោយជាប់ទោសរយៈពេល២០ឆ្នាំដោយសារបណ្តឹងដូចគ្នានេះ។ យ៉ាងណា ទាក់ទិននឹងករណីរំលោភលើបុរសដូចគ្នាដែលគ្រប់គ្នាមិននឹកស្មានថាមាននេះ ត្រូវបានអាជ្ញាធរបញ្ជាក់ថាបានក្លាយជារឿងក្តីដ៏កក្រើកសម្រាប់ប្រទេសអង់គ្លេស។ ព្រះរាជអាជ្ញាធរបន្ថែមថា បុរសវ័យក្មេងស្ទើរទាំងអស់សុទ្ធតែរងគ្រោះក្រោយស្គាល់និស្សិតរូបនេះ នៅក្នុងក្លឹប ឬបារ ហើយតែងតែត្រូវបានបុរសល្មោភតណ្ហារូបនោះល្បួងទៅគេងក្នុងបន្ទប់ខ្លួន ហើយក៏ធ្វើសកម្មភាពរំលោភតែម្តង។ ក្រោយឃាត់ខ្លួន ប៉ូលីសបានរកឃើញDVDចំនួន២៥០ឌីស និងរូបថតដែលជាសកម្មភាពរំលោភចំនួន៣០០ ០០០រូប ដោយជាការកត់សម្គាល់ជនរងគ្រោះភាគច្រើនជានិស្សិតវ័យក្រោម២០ឆ្នាំ។
គួររំឭកថា និស្សិតជនជាតិឥណ្ឌូនេស៊ីខាងលើ ធ្លាប់ត្រូវបានបុគ្គលរងគ្រោះវាយយ៉ាងដំណំ ហើយបញ្ជូនមកអាជ្ញាធរក្រោយពីដឹងខ្លួនថា ត្រូវគេរំលោភ។ ចំណែកជនរងគ្រោះមួយចំនួនទៀតប៉ុនប៉ងធ្វើអត្តឃាតជាច្រើនលើក ដោយសារតូចចិត្តនឹងការរំលោភពីសំណាក់បុរសដូចគ្នាយ៉ាងព្រៃផ្សៃង៕