[wai id="5"]
[wai id="7"]
…នៅពេលដែលសង្សាក្បត់ចិត្តបោះបង់នាងចោលទាំងកំពុងមានផ្ទៃពោះនាងមានក្តីឈឺចាប់ជាពន់ពេកស្ទើរតែចង់ស្អប់ប្រុសៗទាំងអស់ទៅហើយ។ប៉ុន្តែប្រៀបដូចជាកំពុងលង់ទឹកស្រាប់តែមានទូកមួយអណ្តែតមកឲ្យនាងតោង!។ដំណើររឿងរបស់នារីជនជាតិម៉ាឡេស៊ីម្នាក់ឈ្មោះ Nicole Tee ត្រូវបានសង្សារចាស់បោះបង់ចោល ប្រៀបបានជារឿងនិទានយ៉ាងរំជើបរំជួលដូចក្នុងខ្សែភាពយន្ត។នាង Nicole បានបង្ហោះសារមួយ រៀបរាប់ពីមិត្តប្រុសថ្មីដ៏ល្អរបស់នាង ចូលទៅក្នុងគណនីបណ្តាញសង្គម។ ហើយមិនបានប៉ុន្មានផង សារនេះ ត្រូវបានចែកចាយល្បីពេញបណ្តាញសង្គមតែម្តង។
ពាណិជ្ជកម្ម
នាងបានសរសេរថា៖“កាលពីប៉ុន្មានខែមុននេះ នៅពេលដែលខ្ញុំកំពុងមានផ្ទៃពោះ ខ្ញុំពិតជាក្រៀមក្រំខ្លាំងណាស់ ហើយខ្ញុំមិនចង់ជួបនរណាឡើយ។ ប៉ុន្តែនៅពេលដែលខ្ញុំបានស្គាល់សង្សារថ្មីរបស់ខ្ញុំ ពួកយើងបានចាប់ផ្តើមពីការរាប់អានគ្នាជាមិត្តភក្តិ ហើយគាត់បានធ្វើឲ្យខ្ញុំមានកម្លាំងចិត្ត តាមរយៈការមើលថែរក្សា និងព្រួយបារម្ភពីខ្ញុំ ទោះបីជាគាត់ដឹងថាខ្ញុំមានផ្ទៃពោះជាមួយសង្សារចាស់ក៏ដោយ។ គាត់ស្រឡាញ់ខ្ញុំ ហើយគាត់ចង់មើលថែខ្ញុំ និងកូនរបស់ខ្ញុំផងដែរ។ គាត់បានទិញផ្កាមួយបាច់ ហើយសារភាពស្នេហ៍ប្រាប់ខ្ញុំ ប៉ុន្តែពេលនោះខ្ញុំមិនបានយល់ព្រមទេ ដោយសារខ្ញុំមិនទាន់បានត្រៀមខ្លួនរួចរាល់” ទោះបី នាង Nicole មិនទាន់បានយល់ព្រមទទួលយកស្នេហាថ្មីនេះក៏ដោយក្តី ក៏បុរសម្នាក់នោះតែងតែជួយងូតទឹកឲ្យនាង ទាំងដែលនាងកំពុងពរពោះកូនក្នុងផ្ទៃ ដោយក្តីស្រឡាញ់ និងការថ្នាក់ថ្នម។ រហូតដល់ពេលមួយ Nicole រំភើបចិត្ត ហើយក៏បានយល់ព្រមទទួលយកបុរសម្នាក់នោះជាសង្សារតែម្តង។នាងបានសួរទៅកាន់សង្សារថ្មីរបស់នាងថា “តើអ្នកច្បាស់ទេថា អ្នកមិនប្រកាន់ដែលកូននេះមិនមែនជារបស់អ្នក?” បន្ទាប់មក គេក៏បានឆ្លើយទាំងម៉ឺងម៉ាត់ថា “កូននេះ (កូនស្រី) មិនមាន DNA ជារបស់ខ្ញុំមែន ប៉ុន្តែនាងក៏ជាមនុស្សដែរ ហើយអ្នកបានពរពោះនាងជាច្រើនខែមកហើយ។ ចាប់តាំងពីពេលដែលខ្ញុំបានសម្រេចចិត្តថាចង់រស់នៅជាមួយអ្នក ខ្ញុំត្រៀមខ្លួនរួចរាល់ហើយថា ខ្ញុំនឹងស្រឡាញ់អ្នក និងចាត់ទុកកូនរបស់អ្នក ដូចជាកូនរបស់ខ្ញុំយ៉ាងអ៊ីចឹង”។សង្សារថ្មីរបស់ Nicole ពិតជាល្អខ្លាំងណាស់ នៅថ្ងៃដែល Nicole ត្រូវសម្រាលកូន គេពិតជាមានអារម្មណ៍រំភើបចិត្ត និងភ័យខ្លាចខ្លាំងណាស់។
គេបានបិទហាងរបស់គេភ្លាមៗ ហើយប្រញ៉ាប់ប្រញ៉ាល់ទៅមន្ទីរពេទ្យ ហើយគេតែងតែប្រាប់អ្នកដទៃថា កូននេះជាកូនរបស់គេជានិច្ច។ កញ្ញា Nicole បាននិយាយថា៖“ខ្ញុំពិតជារន្ធត់ចិត្តចំពោះទង្វើ ដែលគាត់បានធ្វើចំពោះខ្ញុំ និងកូនរបស់ខ្ញុំ។ ទោះបីជាពេលនេះ ពួកយើង បានចេញពីមន្ទីរពេទ្យហើយក៏ដោយ ក៏គាត់នៅតែងូតទឹកឲ្យពួកយើងដោយក្តីស្រឡាញ់ និងការថ្នាក់ថ្នមជានិច្ច” ៕
[wai id="6"]