…ខណៈដែលម្ចាស់ផ្ទះកំពុងតែដេកលង់លក់ក្នុងផ្ទះស្រាប់តែមានពស់ដែកក្បាលលូនតម្រង់មករក រំពេចនោះសុខនតូចមួយក្បាលបានស្ទុះភ្លែមករារាំងដំណើរបើកការប្រយុទ្ធយ៉ាងវកវី…។សុនខតូចមួយក្បាលនេះ បានប្ដូរជីវិតប្រយុទ្ធជាមួយពស់វែក រហូតដល់ងាប់រៀងខ្លួន។ ចំណែកម្ចាស់ បានឃើញទិដ្ឋភាពនេះផ្ទាល់ភ្នែក ប៉ុន្តែដោយសារខ្លួនជាស្រី មិនអាចជួយអ្វីបាន មានតែស្វែងរកការអន្តរាគមន៍។ ខណៈពេលមានអ្នកជួយមកដល់តែ សុនខនោះក៏បាត់បង់ជីវិត ដោយមានឈាមជាប់ខ្លួនទៅហើយ។
បើតាមប្រភពព័ត៌មានបានឱ្យដឹងថា ហេតុការណ៍នេះបានកើតឡើងក្នុងប្រទេសថៃស្ថិតនៅ Ku Klang ស្រុក La Lum kaew ខេត្ត Pathum Thani ត្រង់ចំណតឡាន នៃផ្ទះមួយ។ការរៀបរាប់របស់បុរសម្នាក់ឈ្មោះ Theerachai បានឱ្យដឹងថា នៅម៉ោងប្រមាណ ៨យប់ លោកបានលឺម្ចាស់ផ្ទះស្រែកហៅឱ្យជួយ ព្រោះឃើញពស់វែកកំពុងខាំជាមួយសុនខរបស់ខ្លួន។ លុះពេលលោកទៅដល់ ស្រាប់តែប្រទះឃើញសុនខ បានបាត់បង់ជីវិតទៅហើយ ចំណែកពស់វែកប្រវែងប្រហែល ១ម៉ែត្រ ក៏បានងាប់នៅជិតនោះដែរ។ មាត់របស់សុនខ បានពោរពេញទៅដោយឈាម ចំណែកពស់វែក ក៏មានស្នាមខាំរបស់សុនខជាច្រើនកន្លែងដែរ។ អ្នកស្រី Phay Yibian អាយុ ៥៤ឆ្នាំ ជាម្ចាស់ផ្ទះ បាននិយាយថា ពេលកំពុងដេក ស្រាប់តែលឺសំឡេងសុនខតូចឈ្មោះ Soda លូយ៉ាងខ្លាំង។ លុះស្ទុះមកមើល ក៏ឃើញពស់វែកមួយក្បាល កំពុងប្រយុទ្ធគ្នាជាមួយសុនខតូចទៅហើយ ចំណែកសុនខធំខ្មៅ ២ក្បាលទៀត នៅកំពុងព្រុស។ ប៉ុន្តែអ្នកស្រីមិនដឹងជួយយ៉ាងណានោះទេ គឺមានតែស្វែងរកជំនួយពីអ្នកជិតខាង ដើម្បីមកជួយសុនខតូច។
ក្រោយពេលតេទៅរកអ្នកជិតខាង ហើយមកដល់កន្លែងកើតហេតុ អ្វីៗបានហួសពេលទៅហើយ គឺ Soda ត្រូវបាត់បង់ជីវិតក្នុងឆាកប្រយុទ្ធនោះ។ អ្នកស្រី Yibian ជាម្ចាស់ បានរៀបរាប់ថា ពីមុនមក ពស់ធ្លាប់ចូលផ្ទះច្រើនដងដែរ ប៉ុន្តែសុខនឈ្មោះ Soda តែងសម្លាប់វា ប៉ុន្តែដោយសារពស់វែកនេះ ធំខ្លាំងពេក ទើប Soda មិនអាចរួចរស់ជីវិតបាន៕
Home សង្គមប្លែកៗ អាភក្តីស្មោះស្ម័គ្រចំពោះម្ចាស់ប្រយុទ្ធជាមួយអាបើកពពាររហូតដំណក់ឈាមចុងក្រោយ ចាញ់ដូចគ្នា