…រឿងរ៉ាវបោកប្រាស់ដោយការប្រើរូបភាពជាលោកថៅកែក្រុមហ៊ុនអូសទាញប្រជាលរដ្ឋឲ្យដាក់ទុកដោយបង្វិលការប្រាក់ខ្ពស់ៗទៅឲ្យគឺបានតែមួយដង្ហើមពង្រីកប៉ុណ្ណោះ ក៏គេចមុខឈឹងបាត់ហើយ តែបើគេរកឃើញហើយការប្រាក់វិញមានតែស៊ីញ៉េសែកស្អុយដើម្បីដោះឃ្លារត់ទៀតសិនហើយ។កាលរសៀលថ្ងៃទី៨ ខែមករា ឆ្នាំ២០២០ ចៅក្រមស៊ើបសួរសាលាដំបូងរាជធានីភ្នំពេញបានសម្រេចចេញដីកាឃុំខ្លួនបុរស២នាក់ ដាក់ពន្ធនាគារជាបណ្តោះអាសន្ន ពាក់ព័ន្ធករណីឆបោក លើទឹកប្រាក់ប្រមាណ១លានដុល្លារអាមេរិក តាមរូបភាពចេញ សែកស្អុយ។ ជនសង្ស័យទាំងពីរនាក់ ម្នាក់ឈ្មោះ ឆុង ដារ៉ារិទ្ធ អាយុ៤២ឆ្នាំ និងម្នាក់ឈ្មោះ ស៊ៃ សេត អាយុ៤៥ឆ្នាំ មានទីលំនៅមិនពិតប្រាកដ។
ជនសង្ស័យត្រូវបានកម្លាំងសមត្ថកិច្ចការិយាល័យបទល្មើសព្រហ្មទណ្ឌ នៃទីបញ្ជាការកងរាជអាវុធហត្ថលើផ្ទៃប្រទេស ឃាត់ខ្លួនកាលពី ថ្ងៃទី៣ មករា និងបញ្ជូនទៅកាន់សាលាដំបូងរាជធានីភ្នំពេញ កាលពីថ្ងៃទី៥ ខែមករា ឆ្នាំ២០២០ដោយ យោងទៅតាមពាក្យបណ្តឹងរបស់ជនរង គ្រោះឈ្មោះ ហែម គន្ធាម ។ ជនសង្ស័យទាំង២នាក់ ស្ថិតក្រោមចំណាត់ការរបស់លោក រៀល សុភិន ព្រះរាជអាជ្ញារងអមសាលាដំបូង រាជធានីភ្នំពេញ បើកការស៊ើបសួរ និងសម្រេចចោទប្រកាន់ ពីបទ ឆបោក តាមរូបភាពចេញសែកស្អុយ។ ក្រោយពេលតំណាងអយ្យការចោទប្រកាន់ហើយ សំណុំរឿងនេះបានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្ននោះ។
បើតាមសមត្ថកិច្ចឲ្យដឹងថា ជនសង្ស័យជាមុខសញ្ញាឆបោកប្រាក់ ប្រជាពលរដ្ឋនៅខេត្តកំពង់ចាមច្រើននាក់ តាមរូបភាពយកលុយពីដើមបណ្តឹងទៅរកស៊ីបង្វិលដោយឲ្យការប្រាក់ខ្ពស់ ទីបំផុតវ័ណ្ឌកទាល់ច្រកទើបចេញសែកស្អុយ៕
