ដងខ្លួនគ្រប់កន្លែងរបស់ស្ត្រីម្នាក់ គ្របដណ្តប់ដោយសាច់ដុះរាប់ម៉ឺនដុំ ជាហេតុធ្វើឲ្យគាត់រងនូវការរើសអើងយ៉ាងខ្លាំងពីអ្នកជិតខាង និងមនុស្សដែលបានឃើញរូបនាងតាមផ្លូវ។អ្នកស្រី Ashley Jernigan បានកើតមានប្រតិកម្មហ្សែនដ៏ចម្លែកបែបនេះ ដែលមើលឃើញសាច់ដុះពាសពេញផ្ទៃមុខរបស់នាង ដងខ្លួន និងរាងកាយទាំងអស់របស់គាត់ ហើយអ្នកស្រី បាននិយាយថា ពេលនាងដើរហើរខាងក្រៅ មនុស្សច្រើនណាស់បានសំឡក់សំឡឹងរូបគាត់ដោយភាពស្អប់ខ្ពើម និងមិនចង់ជួបគាត់នោះទេ។
ស្ត្រីម្តាយកូន៤វ័យ៣៥ឆ្នាំម្នាក់នេះ ត្រូវបានធ្វើរោគវិនិច្ឆ័យឃើញមានជំងឺដ៏កម្រម្យ៉ាងឈ្មោះ Neurofibromatosis ពេលដែលគាត់នៅវ័យពេញក្រមុំ ហើយក៏បានកើតមានសាច់ដុះរាប់ម៉ឺនដុំពេញរាងកាយរបស់គាត់ ចាប់ពីពេលនោះរហូតមក។អ្នកស្រី Ashley រស់នៅក្នុងទីក្រុង Montgomery រដ្ឋ Alabama សហរដ្ឋអាមេរិក បាននិយាយថា ជាមួយនឹងស្ថានភាពជំងឺបែបនេះ អ្នកអាចនៅរស់ដូចជាមនុស្សធម្មតាដ៏ទៃទៀតអញ្ចឹងដែរ។អ្នកស្រីបន្តថា វាគ្រាន់តែធ្វើឲ្យអ្នកពិបាកទទួលយកការពិតប៉ុណ្ណោះ។ អ្នកត្រូវតែធ្វើជាមនុស្សមិនស្តាប់ការពេបជ្រាយពីអ្នកដ៏ទៃ។ វាពិតជាពិបាកខ្លាំងណាស់ ហើយនិងឈឺចាប់ថែមទៀតផង។ ពេលដែលគាត់ចេញក្រៅ មនុស្សជាច្រើន បានសំឡឹងសំឡក់មកលើរូបគាត់ ក្នុងកាយវិការដ៏ឈ្លើយគួរឲ្យស្អប់ខ្ពើម។អ្នកស្រី Ashleyដែលម្តាយរបស់គាត់ គឺអ្នកស្រី Lisaបានស្លាប់ដោយសារស្ថានភាពជំងឺស្រដៀងគ្នានេះ ពេលដែលគាត់ទើបមានអាយុ២៥ឆ្នាំ ត្រូវបានណែនាំដោយក្រុមវេជ្ជបណ្ឌិតថា មិនត្រូវមានកូននោះទេ ព្រោះវានឹងធ្វើឲ្យស្ថានភាពរបស់គាត់កាន់តែអាក្រក់ទៅ។ប៉ុន្តែអ្នកស្រីមិនស្តាប់សម្តីពេទ្យឡើយ ពោលគឺគាត់មានកូនដល់ទៅ៤នាក់ Darnell អាយុ ១៥ឆ្នាំ Devonអាយុ១៤ឆ្នាំ Keonna អាយុ៨ឆ្នាំ និង Kaidenអាយុ៥ឆ្នាំ ដែលការមានកូននេះ ពិតជាបានធ្វើឲ្យស្ថានភាពរបស់គាត់កាន់តែអាក្រក់ទៅពិតមែន។
ក្រុមគ្រូពេទ្យបាននិយាយថា កូនៗរបស់គាត់អាចនឹងវិវត្តន៍ទៅរកជំងឺប្រតិកម្មហ្សែនតែមួយនេះ តែអ្នកស្រី Ashley មិនព្រមឲ្យកូនរបស់គាត់ធ្វើតេស្តនោះទេ៕
Home សង្គមប្លែកៗ ស្ត្រីម្នាក់មានជំងឺប្រតិកម្មហ្សែនធ្វើឲ្យខ្លួនប្រាណរបស់គាត់កន្លែងគ្របដណ្តប់ដោយសាច់ដុះរាប់ម៉ឺនដុំ