គេតែងតែនិយាយថា អ្នកក្លាហាន គេចមិនផុតពីសម្រស់ស្រីស្អាតនោះទេ ចំណែកឯជនល្មើសរូបនេះវិញក៏គេចមិនផុតពីសម្រស់បុប្ផាដូចគេដែររហូតនាំខ្លួនឯងអោយចូលគុកបានដោយងាយស្រួល។ ព្រោះតែចាញ់ល្បិចស្រីស្អាចយកសម្រស់ទាក់ចិត្ត និងលួងលោមដើម្បីរំដោះខ្លួនរបស់នាងកុំអោយប្រឡាក់ប្រលូកជាងនេះទៀត។
នាង Aliying ជាយុនារីរូបស្រស់វ័យ២០ឆ្នាំ បានធ្វើដំណើរពីភាគខាងត្បូងទីក្រុងឡុង ដើម្បីស្វែងរកឱកាសក្លាយជាតារាបង្ហាញម៉ូត។ នាងត្រូវបានអ្នកថតរូបម្នាក់ ឈ្មោះ Lukasz Herba អាយុ៣០ឆ្នាំ នាក់ថ្នាំសណ្ដំរួចវាយខ្នោះដៃនាងញាត់ចូលក្នុងវ៉ាលិសធំមួយ រួចបញ្ជូនទៅកាន់កសិដ្ឋានដាច់ស្រយាលឆ្ងាយ ។ពេលទៅដល់កសិដ្ឋាននោះ ទើបនាងដឹងថាLukasz Herba បានរៀបគម្រោងដើម្បីនាំនាងយកទៅលក់ធ្វើទាសករផ្លូវភេទហើយគេក៏បានប្រាប់នាងថា ប្រសិនបើចង់រួចខ្លួនត្រូវមានប្រាក់លោះ 300.000 Euro ។ប៉ុន្ដែ Herba ក៏ព្រលយពាក្យថា រវាងពួកគេក៏អាចក្លាយជាគូកំណាន់បានដែរ ។ពេលនោះឯងដែល Aliying ដឹងថាជនចាប់ជំរិតរូបនេះហាក់ដូចជាចូលចិត្ដនាង ម្យ៉ាងទៀតវាក៏ជាឱកាសតែមួយគត់ដែលនាងត្រូវ ប្រើប្រាស់ដើម្បីរំដោះខ្លួន។Aliying ឱ្យដឹងថា៖ ខ្ញុំបង្ហាញភាពស្និទ្ធស្នាល ហើយតែងនិយាយអំពីគម្រោងអនាគត។គេហាក់ដូចជារីករាយ ហើយជជែកជាមួយខ្ញុំតែពីរឿងនោះ។
ខ្ញុំចាប់ផ្ដើមដឹងពីចំណូលចិត្ដរបស់គេ បន្ទាប់មកHerbaក៏ដឹងថាខ្លូនពុំអាចទទួលបានលុយកាក់ ហេតុនេះមានតែយកនាងធ្វើជាគូស្នេហ៍ ព្រោះខ្លួនក៏ស្រឡាញ់នាងដែរ ។មួយរយៈក្រោយមក គេបានស្រាយចំណង ហើយនាំAliying ទៅកាន់ស្ថានទូតអង់គ្លេស ព្រោះតែជឿថានាងពិតជាស្រឡាញ់ខ្លួនមែន។យ៉ាងណាមិញ ពិតណាស់ Herba បានត្រូវ Aliying បកអាក្រាត ហើយតុលាការMilan បានកាត់ទោសឱ្យជាប់គុករយៈពេល១៦ឆ្នាំ៦ខែ៕
