[wai id="5"]
[wai id="7"]
មនុស្សមួយចំនួនតូចដែលបានជួបប្រទះនឹងបញ្ហាក្នុងជីវិតនៅពេលគិតរកដំណោះស្រាយមិនចេញក៏មានគំនិតមួយចង់ធ្វើអត្តឃាតខ្លួនឯងដើម្បីអោយបានផុតពីបញ្ហាដែលកំពុងជួបប្រទះ។ ក៏ប៉ុន្តែបំណងប្រាថ្នាទាំងនោះមិនមែនទទួលបានជោគជ័យរហូតនោះឡើយ ព្រោះជួនកាលអាយុរបស់គេនៅថ្លៃមិនស្លាប់ ឬតាមជំនឿនិយាយថាមិនទាន់អស់អាយុ។ ជាក់ស្តែងដូចជាករណីមួយនេះយ៉ាងអញ្ជឹង ដែលបុរសម្នាក់គិតខ្លីចង់សម្លាប់ខ្លួន ប៉ុន្តែការប៉ុនប៉ងរបស់គាត់មិនបានសម្រេចឡើយ ព្រោះតែបានវីរះនារីដ៏ស្រស់ស្អាតជួយសង្គ្រោះជីវិតរបស់គាត់ទាន់ពេលវេលា។
ពាណិជ្ជកម្ម
បើយោងតាមរយៈវីដេអូឃ្លីបមួយដែលថតដោយកាមេរ៉ាសុវត្ថិភាពបានបង្ហាញអោយឃើញបុរសម្នាក់កំពុងនិយាយទូរស័ព្ទដោយអារម្មណ៍មួម៉ៅ និងបញ្ចេញកាយវិកាហាក់ដូចជាថប់ប្រមល់យ៉ាងខ្លាំងដោយគាត់បានក្រវ៉ាត់ចោលកាបូបយួរដៃនិងអង្គុយយកដៃខ្ទប់ក្បាលខណៈពេលនោះ មានស្ត្រីម្នាក់ក្នុងចំណោម២នាក់ដែលបានដើរកាត់មុខគាត់ឃើញនូវសភាពតប់ប្រមល់របស់គាត់ក៏បានដើរមកមើលបំណងចង់និយាយលួងលោមគាត់ ស្រាប់តែពេលនោះបុរសរូបនោះក៏រត់យ៉ាងលឿនបម្រុងឲ្យរថភ្លើងបុកស្លាប់តែត្រូវស្ត្រីស្រស់ស្អាតរូបនេះស្ទុះទៅចាប់ជាប់មិនឲ្យរូបគេចោលសង្ខារនោះឡើយ។ បន្ទាប់ពីរឿងនេះបានចែកចាយតាមបណ្តាញសង្គមមានមតិជាច្រើនបានកោតសរសើរទៅស្ត្រីរូបនោះជាខ្លាំងដែលក្លាហានហក់ទៅជួយសង្គ្រោះជីវិតបុរសនោះបានសម្រេចហើយក៏មានមតិមួយចំនួនទៀតបានបញ្ចេញមតិលើកទឹកចិត្តទៅដល់បុរសនោះកុំអោយគិតខ្លីដូចនេះម្តងទៀត។មនុស្សប្រុសភាគច្រើន តែងតែនិយាយថាស្ត្រីជាមនុស្សទន់ខ្សោយ និងមិនសូវមានភាពក្លាហាន ប៉ុន្តែវាមិនមែនជាការពិតនោះទេ ហើយក្នុងវីដេអូនេះ វាគ្រប់គ្រាន់បញ្ជាក់ថា បុរសៗទាំងអស់នោះយល់ខុសទាំងស្រុង។ក្នុងវីដេអូនេះបានបង្ហាញពីស្ត្រីម្នាក់ដែលមានភាពក្លាហាន ដោយហ៊ានប្រថុយជីវិតដើម្បីជួយបុរសម្នាក់ ដែលបំរុងរត់ចូលរថភ្លើង។
បើតាមវីដេអូចាប់ដោយកាមេរ៉ាសុវត្ថិភាព បានបង្ហាញថា បុរសនោះទំនងជាមានវិបត្តិយ៉ាងខ្លាំង ដល់ថ្នាក់ហ៊ានរត់ចូលរថភ្លើង ប៉ុន្តែគាត់ត្រូវបានជួយសង្គ្រោះទាន់ពេល ដោយស្ត្រីម្នាក់ ក្នុងចំណោមស្ត្រីពីរនាក់ដែលបានដើរកាត់គាត់៕
[wai id="6"]