…វ័យ១០០ឆ្នាំទៅហើយនៅមានកម្លាំងកំហែងដើររំកិលព្រមទាំងស្មារតីនៅមាំមួនហំហែង បើនិយាយទៅតាមផលបុណ្យវិញ លោកតាម្នាក់នេះកាលពីជាតិមុនមានសម្ពាយបុណ្យ-កុសលក្រាស់ពេកក្រៃទើបក្នុងជាតិនេះមានអាយុវែងហើយថែមទាំងសុខភាពនៅមាំទាំល្អទៀត។ លោកតាចាស់ដូងម្នាក់នេះបានប្រារព្ធខួបគំរប់ ១០០ឆ្នាំរបស់គាត់ ដោយធ្វើការលោតឆ័ត្រយោងចេញពីក្រៅយន្តហោះ ឲ្យយ៉ាងរំភើយ។ លោកតាបានបញ្ជាក់ថា នោះគឺជាបេសកម្មថ្មីសម្រាប់ជីវិតរបស់គាត់ ហើយគាត់នឹងធ្វើវាជាថ្មីម្តងទៀត នៅឆ្នាំក្រោយ ដើម្បីក្លាយជាអ្នកលោតឆ័ត្រដ៏ចាស់បំផុតក្នុងពិភពលោក។
លោកតា Stu Williamson រស់នៅទីក្រុង Seattle សហរដ្ឋអាមេរិច បាននិយាយថាគាត់ចង់ ដណ្តើមកំណត់ត្រាពិភពលោក ពី លោកតា Bryson William Verdun Hayes រស់នៅប្រទេសអង់គ្លេស ដែលបានក្លាយជាបុរសវ័យចំណាស់បំផុតក្នុងការលោតឆ័ត្រយោងកាលពីឆ្នាំមុន នៅអាយុ ១០១ឆ្នាំ និង ៣៨ថ្ងៃ។លោកតាបញ្ជាក់ថា “ប្រសិនជាខ្ញុំអាចរស់នៅបានមួយឆ្នាំ ២ខែទៀត ខ្ញុំនឹងទម្លាក់គាត់ចេញពីកំណត់ត្រានោះ។ ខ្ញុំមានហេតុផលដើម្បីរស់នៅ”។
សូមបញ្ជាក់ថា លោកតា Stu Williamson បានធ្វើការលោតឆ័ត្រអស់ចំនួន ២ដងរួចមកហើយ ដោយនៅពេលគាត់ចូលអាយុ ១០០ឆ្នាំ និងកាលពីគាត់ប្រារព្ធខួបលើកទី ៩៩៕
