…ជាទូទៅគ្រាន់តែរំលឹកទៅដល់បង្កង..មនុស្សយើងគ្រប់គ្នា នឹងឃើញ ពីព័ណ៌របស់វារួចស្រេចទៅហើយ។ តែមានប្រភេទបង្កងម្យ៉ាងទៀតជាបង្កងភឿកមានព័ណ៌ដូចគុជខ្យង។អាហារសមុទ្រ ដែលគេនិយមបរិភោគជាងគេនោះមានត្រី មឹក បង្កង ក្តាម។ ពពួកសត្វទាំងនេះត្រូវបានអ្នកនេសាទទៅនេសាទយកមកជារៀងរាល់ថ្ងៃ ដើម្បីបំពេញដល់តំរូវការរបស់អតិថិជន។
ប្រភពព័ត៌មានមួយបានរាយការណ៍ពីករណីមួយដែលបង្កអោយមានភាពភ្ញាក់ផ្អើលយ៉ាងខ្លាំង ដោយសារតែអ្នកនេសាទម្នាក់ចាប់បានសត្វបង្កងសមុទ្រ ( lobster) ម្យ៉ាងដែលមានពណ៌ខុសពីបង្កងសមុទ្រធម្មតា។ សត្វបង្កងសមុទ្រដ៏ចម្លែកនេះត្រូវបានរកឃើញដោយអ្នកនេសាទវ័យ៤៨ឆ្នាំម្នាក់ដែលរស់នៅសហរដ្ឋអាមេរិក។សត្វបង្កងចម្លែកនេះមានពណ៌ស លាយជាមួយនឹងពណ៌ទឹកសមុទ្រ ដែលធ្វើអោយមានអ្នកខ្លះនិយាយថាវាមានសម្បុរដូចជាគុជខ្យង។ អ្នកនេសាទនៅរដ្ឋ Maine បានពន្យល់ថាបង្កងមានពណ៌សលាយទឹកសមុទ្រនេះ វាបណ្តាលមកពីជំងឺហ្សែនមួយប្រភេទដែលធ្វើអោយវាបាត់បង់ពណ៌ខ្លះៗ រហូតមកមានពណ៌បែបនេះ។
អ្នកឯកទេសខាងផ្នែកនេះបានប្រាប់ថាបង្កងដែលត្រូវបានអ្នកនេសាទនោះជាបង្កងញីដែលកំពុងមានពងនៅក្នុងពោះទៀតផង ដោយបែបនេះគេក៏បានយកវាទៅប្រលែងនៅក្នុងសមុទ្រវិញ។ បង្កងដែលមានពណ៌ចម្លែកនេះត្រូវបានគេចាត់ទុកថាជាប្រភេទដែលកម្របំផុត សឹងតែមានតែមួយក្នុងចំណោមមួយលានក្បាល៕
