…ជុំវិញរូបភាពតៃកុងឡានក្រឡុកស៊ីម៉ង់ដែលបង្ហាញពីសកម្មភាពយ៉ាងព្រហើនដាក់លោកប៉ូលិសអ្នកដែលបានឃើញហើយមួយណាក៏ជេរដែរ…ហើយលើសពីហ្នឹងទៀតគេក៏សំណូមពរទៅដល់លោកប៉ូលិសខេត្តកំពង់ឆ្នាំងត្រូវស្វែងរកឃើញនូវតៃកុងឡានដ៏ជម្លើយនេះមកដុះក្អែលចេញឲ្យក្លាយជាមនុស្សមានសុជីវធម៌ឡើងវិញផង។អស់លោកប៉ូលិសខេត្តកំពង់ឆ្នាំងមិនត្រូវនៅស្ងៀមមានចិត្តខន្តីចាត់ទុកនោះជារឿងកំប៉ិនកំប៉ុកនោះឡើយ។
ព្រោះបើប្រកាន់យកនូវគំនិតបែបនេះប្រាកដជាកើតមានទៀតហើយនូវជនជម្លើយ!។មានការចែករំលែកវីដេអូមួយនៅលើបណ្ដាញសង្គមហ្វេសប៊ុកនូវនូវករណីបុរសម្នាក់ជា តៃកុងបើករថយន្ដក្រឡុកស៊ីម៉ង់ត៍ បានបង្ហាញនូវទង្វើអសីលធម៌មួយចំនួន ខណៈកម្លាំងអធិការដ្ឋាននគរបាលស្រុកបរិបូណ៌ នៃស្នងការដ្ឋាននគរបាលខេត្តកំពង់ឆ្នាំង កំពុងសម្រួលចរាចរណ៍ជូនសិស្សសាលាឆ្លងថ្នល់ចូលសាលារៀន ស្រាប់តែយានយន្តនេះមិនស្តាប់បញ្ជារបស់នគរបាលចរាចរណ៍ទេថែមទាំងរោទ៌ម៉ាស៊ីនអោយឮហើយចុចស៊ីផ្លេអោយរំពងនៅមុខសាលារៀន មិនតែប៉ុណ្ណោះតៃកុងើព្រហើនម្នាក់នេះបានធ្វើដៃបែបប្រមាថ ដែលប៉ូលីសមិនអាចទទួលយកបានឡើយ។ ហេតុការណ៍នេះបានកើតឡើងកាលពីព្រឹកថ្ងៃទី១៣ ខែមករា ឆ្នាំ២០២០ ស្ថិតនៅផ្លូវថ្នល់ជាតិលេខ៥ មុខសាលាបឋមសិក្សាពន្លៃ ខេត្តកំពង់ឆ្នាំង។យោងតាមគណនីហ្វេសប៊ុករបស់បងប្រុសម្នាក់ឈ្មោះ Neang Nak បានបង្ហោះរូបតៃកុងឡានអសីលធម៌ព្រមទាំងភ្ជាប់បើជាមួយសំណេរមួយចំនួនថា “ខ្ញុំមិននឹកស្មានថាអ្នកបើកបរយានយន្ត នេះព្រៃផ្សៃយ៉ាងនេះសោះ ។
នៅពេលខ្ញុំកំពុងសម្រួលចរាចរណ៍ជូនសិស្សឆ្លងថ្នល់ ស្រាប់តែយានយន្តនេះមិនស្តាប់បញ្ជារបស់នគរបាលចរាចរណ៍ទេថែមទាំងរោទ៌ម៉ាសស៊ីនអោយឮហើយចុចស៊ីផ្លេ ទៀតតើគាត់រៀនបើកបរនៅសាលាណា…?ហើយគាត់បើកបរអោយក្រុមហ៊ុនណា…?កូនគេ កូនយើង លោកម្ចាស់អាថោកគិតផង….!”៕
