...ក្មេងប្រុសម្នាក់នេះពេលដែលកើតមានជម្ងឺយំហូរឈាមចេញតាមភ្នែកងងឹតមើលអ្វីលែងឃើញ...មនុស្សម្នាឯទៀតរាប់ទាំងសាច់ញាតិផងដែរ បានជឿទៅលើផល-កម្មថាក្មេងនេះទទួលបណ្តាសាពីព្រះ...លុះដល់ទទួលការព្យាបាលភ្នែកមើលឃើញឡើងវិញទៅជានិយាយថា ព្រះបានដកបណ្តាសាវិញហើយ!។ពិតជាអព្ភូតហេតុអស្ចារ្យស្ទើរមិនគួរឱ្យជឿសោះឡើយ ដែលក្មេងប្រុសឥណ្ឌាពិការភ្នែកដោយសារជំងឺ មហារីកដ៏ចម្លែក ធ្វើឱ្យចេញឈាមតាមភ្នែក និងលៀនភ្នែកដូចក្ដាមតែ ទីបំផុតអាចមើល ឃើញពិភពលោកវិញហើយ បន្ទាប់ពីធនាគារិកចិត្តធម៌ជនជាតិអង់គ្លេសម្នាក់ជួយចេញថ្លៃព្យាបាល ។
ក្មេងប្រុសក្រីក្រ សាហ្គា ឌ័រជី (Sagar Dorji) ដែលរស់នៅរដ្ឋអាសាម (Assam) ប្រទេសឥណ្ឌា មានអាយុទើបតែ ៤ ឆ្នាំប៉ុណ្ណោះ នៅពេលអាការៈជំងឺចាប់ផ្ដើមធ្វើឱ្យភ្នែករបស់គ្នាហើម ដំបៅឈាមកក និងលៀនភ្នែកចេញពីរណ្ដៅភ្នែកគួរឱ្យខ្លាច។ លោក ប្រាកាស (Prakash) និងអ្នកស្រី គូស៊ុម ឌ័រជី (Kusum Dorji) ដែលជាឪពុកម្ដាយរបស់ ក្មេងនេះបានប្រាប់គេហទំព័រ MailOnline កាលពីឆ្នាំ២០១៦ អំពីស្ថានភាពឈឺចុកចាប់របស់កូន ប្រុសខ្លួន ហើយបានចាត់ទុកវាជាការដាក់បណ្ដាសាពីព្រះជាម្ចាស់។រឿងរ៉ាវគួរឱ្យខ្លោចចិត្តរបស់ក្មេងប្រុសនេះ បានលេចឮដល់លោក ហ៊ីម៉ានតា ប៊ីសវ៉ា (Himanta Biswa) អភិបាលរដ្ឋអាសាម ដែលបានស្នើសុំឱ្យរដ្ឋាភិបាលឥណ្ឌា ចេញលុយបញ្ជូនក្មេងនេះ តាមជើងយន្តហោះក្នុងចម្ងាយផ្លូវប្រមាណ ៣.០០០ គីឡូម៉ែត្រទៅកាន់ទីក្រុងបានហ្គាល័រ (Bangalore) រដ្ឋកាណាតាកា (Karnataka) ដើម្បីព្យាបាលគីមីសាស្ត្រ។ពេលនោះធនាគារិកជនជាតិអង់គ្លេស លោក នីថា ស៊ីវ៉ា (Neetha Shiva) ដែលបានដឹងរឿងរ៉ាវ របស់ក្មេងនេះបានស្ម័គ្រចិត្តជួយចេញថ្លៃវះកាត់ និងព្យាបាលទាំងអស់ដើម្បីឱ្យក្មេងនេះ មើលឃើញពិភពលោកឡើងវិញ។
ពេលនេះស្ថិតក្នុងវ័យ ៧ ឆ្នាំ ក្មេងប្រុសដែលចូលចិត្តកីឡាគ្រីកឃីត តន្ដ្រី និងភាពយន្តបូលីវូដ រូបនេះបានរួចផុតពីជំងឺមហារីកហើយ ហើយភ្នែកអាចមើលឃើញវិញម្ខាង និងកំពុងទន្ទឹង ចង់ទៅរៀនដូចក្មេងដទៃ។ ជីវិតក្មេងមួយនេះត្រូវបានជួយសង្គ្រោះដោយលោក នីថា ស៊ីវ៉ា វ័យ ៤៤ ឆ្នាំដែលមកពីទីក្រុង ឡុងដ៍ ប្រទេសអង់គ្លេស ដែលបានចំណាយប្រាក់ ៤.៦០០ ដុល្លារអាម៉េរិកលើការវះកាត់ប្ដូរ រណ្ដៅភ្នែក។ ក្រៅពីជួយចេញថ្លៃព្យាបាលនេះគាត់ថែមទាំងបន្តជួយឧបត្ថម្ភគ្រួសារឱ្យមាន ជីវភាពធូរធារទៀតផង៕
Home សង្គមប្លែកៗ តើព្រះដកបណ្តាសាចេញឬ ? ទើបក្មេងប្រុសយំឈាមតាមភ្នែក…អាចមើលឃើញពិភពលោកឡើងវិញ