…បុរសជាកូនប្រុសម្នាក់បានទទួលរងនូវការរិះគន់ពេញហ្វេសប៊ុកចំពោះសកម្មភាព អកត្តញ្ញូរបស់គេទៅលើម្តាយដោយលើកតំកើងប្រពន្ធធំជាងម្តាយហ៊ានធ្វើបាបម្តាយដែលកូនៗឯទៀតមិនហ៊ានធ្វើបាបម្តាយដែលកូនៗឯទៀតមិនហ៊ានធ្វើដូចនោះទេ!។បើយោងតាមប្រព័ន្ធផ្សព្វផ្សាយក្នុងស្រុក បុរសជាកូនប្រុសម្នាក់នេះ រស់នៅក្នុងភូមិ Dongjia តំបន់ Anhua នាខេត្តហ៊ូណាន (Hunan) ប្រទេសចិន បានប្រើទារុណកម្មស្ថិតក្នុងរូបភាពយ៉ាងព្រៃផ្សៃបំផុត ទៅលើម្តាយបង្កើតដែលជាអ្នកមានគុណរបស់ខ្លួន និងកំពុងតែមានជំងឺផងនោះដោយ ហែកមាត់ចាប់បង្ខំគាត់ឲ្យហូបស្មៅដូចសត្វធាតុ ក្រោយខឹងនឹងម្តាយបានឈ្លោះប្រកែកគ្នា ជាមួយនឹងប្រពន្ធខ្លួន រហូតដល់ថ្នាក់ប្រតាយប្រតប់។
តាមការឲ្យដឹងពីសំណាក់អ្នកភូមិជាច្រើននៅក្បែរនោះ បាននិយាយថា ស្ត្រីជាម្តាយវ័យចំណាស់ ខ្ទង់៨០ឆ្នាំ ទំនងជាកើតមានជំងឺវង្វេងវង្វាន់ ចំណែកឯ កូនប្រុសអកតញ្ញូនោះវិញ មានឈ្មោះ Liang ប្រហែល ៥០ឆ្នាំ។តាមការលើកឡើងពីមន្ត្រីមួយរូបប្រចាំនៅក្នុងតំបន់ លោក Zhao Longcan បានមានប្រសាសន៍ថា ហេតុការណ៍ហិង្សា នេះ បានកើតឡើង ដោយសារតែ ប្រពន្ធរបស់លោក Liang ចង់ដណ្ដើមយកកេរ្តិ៍ផ្ទះម្តាយរបស់លោក ប៉ុន្តែត្រូវបានម្តាយលោកបដិសេធ ទើបនៅទីបំផុតអ្នកទាំងពីរ ក៏បានស្រែកតឹងសរសៃកដាក់គ្នា បង្កជាជម្លោះប្រតាយប្រតប់ ធ្វើឲ្យលោក Liang ជាកូនប្រុស ក្តៅក្រហាយអត់ទ្រាំមិនបាន ក៏ទៅកាត់ស្មៅយកមកញុកមាត់ម្តាយឯង ដើម្បីឲ្យលែងស្រែក ទាំងបែបនេះតែម្តងទៅ។ក្រោយកើតហេតុ លោក Liang ក៏ត្រូវបានឃាត់ខ្លួន និងត្រូវបានខាងសមាជិកក្រុមប្រឹក្សាស៊ើបអង្កេត ស្នើឲ្យគាត់សរសេរលិខិតសុំទោសមួយជាធារណៈ ដើម្បីទទួលស្គាល់ពីទោសកំហុស ឬកំហុសឆ្គងដែលខ្លួនបានប្រព្រឹត្តទៅលើអ្នកម្តាយដ៏មានគុណនោះផងដែរ។
នៅក្នុងសេចក្តីសំបុត្រ ឬលិខិតនោះ លោក Liang បានសរសេរថា៖«ខ្ញុំបានចាប់បង្ខំម្តាយរបស់ខ្ញុំឲ្យហូបស្មៅ ក៏ព្រោះតែគាត់ឈ្លោះជាមួយនឹងប្រពន្ធខ្ញុំ។ ក្នុងនាមជាកូនប្រុស នេះគឺជាកំហុសដ៏ធ្ងន់ធ្ងរបំផុតរបស់ខ្ញុំ។ សូមអ្នកទាំងអស់គ្នាកុំយកតម្រាប់ ឬគំរូតាមខ្ញុំ ហើយខ្ញុំពិតជាសុំទោសយ៉ាងខ្លាំង ដល់អ្នកម្តាយជាទីគោរពរបស់កូន» ៕
