អ្នកដែលមិនធ្លាប់បែកពីគ្រួសារយូរពិតជាមិនយល់ពីអារម្មណ៍នៃការនឹកនា នឹងការរំភើបនៅពេលដែលបានជួបជុំនោះឡើយ។ ព្រោះនេះគឺជាពេលដែលមានតម្លៃបំផុត សម្រាប់មនោសញ្ចេតនា ឪពុកម្តាយកូនបានផ្តោះផ្គង និងផ្តល់សេចក្តីស្រឡាញ់គ្នាទៅវិញទៅមក។ ជាក់ស្តែងបុរសរូបនេះដែលបានឃ្លាតឆ្ងាយពីប្រពន្ធនិងកូនជាទីស្រឡាញ់យ៉ាងយូរ លុះបានមកជួបវិញក៏ធ្វើរឿងពញាក់ទៅដល់កូនៗឲ្យរំភើបឡើងស្រក់ទឹកភ្នែក។
បុរសរូបនោះមានឈ្មោះថា Mario។ គាត់គឺជាវិស្វករផ្នែកអគ្គិសនីនៅក្នុងប្រទេសកាតា។ ដោយសារតែរវល់នឹងការងារពេក គាត់មិនអាចមានពេលវេលាត្រឡប់មកស្រុកកំណើតជួបជុំគ្រួសារអស់រយៈពេល ៣ឆ្នាំ។នៅពេលគាត់មានពេលវេលាត្រឡប់មកវិញ គាត់បានសម្រេចចិត្តធ្វើរឿងភ្ញាក់ផ្អើលដល់កូនៗទាំងពីរ ដោយប្រពន្ធរបស់គាត់បាននាំកូនៗមកភោជនីយដ្ឋានមួយ ហើយបុរសខាងលើបានបិតមុខ និងក្លែងខ្លួនជាអ្នកបំរើ។ពួកគេមិនដឹងថា ឪពុកពួកគេនៅជិតបង្កើយបែបនោះទេ។ គាត់ដើរយកម្ហូបទៅមក ៣ដងទើប កូនស្រីរបស់គាត់ឈ្មោះ Princess បានក្រឡេកមើល និងស្គាល់គាត់ នៅពេលគាត់ដោះម៉ាសមុខចេញ ហើយ Princess ក៏ស្រឡាំងកាំង និងខ្ទប់មុខយំ ប៉ុន្តែប្អូនប្រុសរបស់នាងហាក់មិនដឹងសោះថាហេតុអ្វីនាងយំ។
បន្ទាប់មកទៀត ទើបក្មេងប្រុសនោះដឹងថាអ្នកបំរើដែលលើកម្ហូបឲ្យគេនោះគឺជាឪពុក ក្មេងទាំងពីររំភើបខ្លាំង រហូតដល់ថ្នាក់យំ និងមិនមានអ្វីនិយាយ៕