…រឿងរ៉ាវមួយប្រិយមិត្តទាំងឡាយប្រាកដជាមិនជឿនោះឡើយ មិនដែលមានមានបុរសជាប្តីឯណារៀបការរួចបានពីរសប្តាហ៍ទៅហើយទើបភ្ញាក់ក្រញ៉ាងដឹងថាប្រពន្ធរបស់ខ្លួនជាបុរស។ ប៉ុន្តែយ៉ាងហោចណាស់បើមិនជឿក៏ស្តាប់ការបកស្រាយរបស់បុរសជាប្តីដែរ ដែលលោកអះអាងថា…រៀបការបានពីរសប្តាហ៍មែនតែអត់ដែលបានអីៗទេ ទើបបានជាអត់ដឹង!។បុរសជនជាតិអ៊ូហ្គង់ដាម្នាក់ ដែលមានងារជាបព្វជិតជាង ៤ ឆ្នាំមកហើយនោះត្រូវព្យួរកាងារពីព្រះវិហារមួយកន្លែងជាបណ្ដោះអាសន្នសិន ក្រោយរកឃើញលោកបានធ្វើរឿងមិនបរិសុទ្ធមួយ ប្រាស់ចាកពីវិន័យ ដោយសារតែប្រពន្ធដែលលោកទើបនឹងរៀបការបានជាង ២ សប្ដាហ៍គឺជាមនុស្សប្រុស។
លោក Sheikh Mohammed Mutumba មានអាយុ ២៧ ឆ្នាំ បានជួបប្រទេះនូវរឿងដ៏ហួសចិត្តមួយក្រោយដឹងថា ប្រពន្ធរបស់លោកដែលទើបនឹងរៀបការថ្មីៗនេះមិនមែនជានារីពិត។ នាង Swabullah Nabukeera ដែលជាកូនក្រមុំក្លែងក្លាយបានធ្វើឲ្យ លោក Mutumba រួមទាំងសាច់ញាតិ និងមិត្តភក្ដិមានការភ័ន្ដច្រឡំយ៉ាងធ្ងន់ធ្ងរ ដោយសាតែសម្លេងដ៏ទន់ភ្លន់ ជាពិសេសដំណើររបស់នាង ដូចមនុស្សស្រីពិត ១០០% តែម្ដង។ តែជាអកុសលការលាក់បាំងជាងពីរសប្ដាហ៍របស់កូនក្រមុំក្លែងក្លាយខាងលើត្រូវបានលាតត្រដាង ព្រមទាំងបង្កឲ្យមានការភ្ញាក់ផ្អើលជាខ្លាំង នៅពេលដែលនាងត្រូវប៉ូលិសចាប់ខ្លួនបាន ពីបទលួចទូរទស្សន៍អ្នកជិតខាង។ ហើយក្រោយពីប៉ូលិសបានសាកសួរចម្លើយនាង Swabullah Nabukeera បានសារភាពថា នាងមិនមែនជាមនុស្សស្រីពិតនោះទេ ហើយការដែលគាត់បន្លំខ្លួនរៀបការ ដោយសារតែគាត់ចង់ចូលក្បែរលោកMutumba ដើម្បីងាយស្រួលលួចលុយគាត់តែប៉ុណ្ណោះ។
លោកបព្វជិត Mutumba បានឲ្យដឹងថា ពីដំបូងឡើយ លោកក៏មានការសង្ស័យខ្លះៗដែរ ព្រោះរយៈពេលដែលលោករៀបការជាមួយនាងបានជាងពីរសប្ដាហ៍នេះ នៅរាល់ពេលដែលផ្សំដំណេក នាងមិនព្រមដោះសម្លៀកបំពាក់ចេញឡើយ ដោយប្រាប់លោកថានាងកំពុងមករដូវ៕
