…វ៉ៃដំច្រំធាក់សង្សារច្រើនដងពេកសង្ស័យបានជាប់ខ្នោះដៃប៉ូលិសនៅពេលណាមួយមិនខានឡើយ…ព្រោះចេះឈឺសាច់ដែរតើ…មិនចេញតែស៊ូទ្រាំខាំមាត់សង្កត់ចិត្តនៅស្ងៀមធ្វើហីនោះឡើយ។ កាលពីពេលថ្មីៗនេះមានហេតុការណ៏ដ៏ហួសចិត្តមួយបន្ទាប់ពីកាំមេរ៉ាសុវត្ថិភាពបានថតជាប់វីដេអូបុរសម្នាក់កំពុងវាយធ្វើបាបនារីម្នាក់ ដែលគេសន្និដ្ខានថានារីនោះគឺជាមិត្តស្រីរបស់គេ ហេតុការណ៏នេះបានកើតឡើងនៅវេលាម៉ោង៨ នឹង៥៤នាទីយប់ស្ថិតនៅក្នុងផ្លូវលំតូចមួយក្នុងខេត្តមុកដាហ៊ាន ប្រទេសថៃ។
ជាក់ស្ដែងយោងទៅតាមហ្វេសប៊ុកផេកឈ្មោះ Mee Suk Clinic by Mor Poo (มีสุขคลินิก by หมอปู) ដែលបានបង្ហោះឃ្លីបវីដេអូរនារីវ័យក្មេងម្នាក់ត្រូវបានសង្សារវាយធ្វើបាបយ៉ាងដំណំ រហូតទាល់តែសន្លប់មិនអាចត្រឡប់ទៅផ្ទះវិញបាន គណនីផេកហ្វេសប៊ុកនេះបានសរសេររៀបរាប់ថា “នេះគ្រាន់តែជាមួយផ្នែកតូចប៉ុណ្ណោះដែលយើងបានឃើញ តើនារីបានធ្វើអ្វីខុស? ហេតុអ្វីបានជាវាយធ្វើបាបនាងដល់ថ្នាក់នឹង តើប៉ុន្មានដងហើយដែលសង្សាររបស់នាងរំលោភបំពានលើរាងកាយយ៉ាងធ្ងន់ធ្ងរបែបនេះ? តើមិនខ្លាចច្បាប់ទេឬ?”។
បន្ថែមពីនោះទៀតផេកនេះបានសរសេរដាស់តឿននារីៗថា “មិនគួរទៅណាតែម្នាក់ឯងពេលយប់ទេ បើសិនជាមានរឿងអ្វីកើតឡើងនោះប្រហែលជាគ្មានអ្នកណាជួយទាន់ពេលទេ ម្យ៉ាងទៀតអ្វីដែលសំខាន់បំផុតវីដេអូនេះគឺជាឧទាហរណ៏ស្រាប់សម្រាប់ស្រីៗទាំងអស់មុននឹងជ្រើសរើសនរណាម្នាក់ធ្វើជាដៃគូរ គួរសិក្សាស្វែងយល់ចិត្តគ្នាឲ្យបានច្បាស់ជាមុនសិនមុននឹងធ្វើការសម្រេចចិត្ត ចៀសវាងមានករណីបែបនេះធ្លាក់លើខ្លួនយើង” ៕
Home សង្គមប្លែកៗ អីក៏ពូកែទ្រាំម្ល៉េះនាង…ឲ្យប្រុសស្នេហ៍ប្រើកណ្តាប់ដៃរន្ទះតាមចិត្តអត់ហ៊ានក្អកឲ្យប៉ូលិសឮ!