ភាគច្រើនរបស់ប្រើប្រាស់ដែលបុគ្គលល្បីល្បាញប្រើជាប្រចាំតែងតែត្រូវបានគេអោយតម្លៃខ្ពស់ និងមានអ្នកចង់បានយកទៅថែរក្សាបន្តយ៉ាងច្រើនសន្ធឹកសន្ធាប់។ដោយឡែកកាលពីពេលកន្លងទៅនេះ គ្រាន់តែរ៉ូបមួយសោះត្រូវបានគេនាក់លក់បានតម្លៃដល់ទៅជាង៣០ដុល្លារឯណោះ ព្រោះតែវាគឺជារបស់ម្ចាស់ក្សត្រីអង់គ្លេស Diana។ រ៉ូបពណ៌ទឹកបិចសាច់កាម្ញីមួយដែលគ្រងដោយម្ចាស់ក្សត្រីអង់គ្លេស Diana រាំជាមួយតារាសម្ដែងដ៏ល្បី John Travolta ត្រូវបានលក់ ក្នុងតម្លៃ ៣៤៧ ០០០ដុល្លារកាលពីពេលកន្លងទៅនេះ។
រ៉ូបនេះ ត្រូវបានផលិតឡើងដោយអ្នករចនាម៉ូត Victor Edelstein សម្រាប់កម្មវិធីមួយនៅសេតវិមានអាមេរិកកាលពីខែវិច្ឆិកាឆ្នាំ ។ រ៉ូបខាងលើនេះ ត្រូវបានទិញដោយអង្គការសប្បុរសធម៌ឯករាជ្យមួយឈ្មោះ Historic Royal Palaces (HRP) ក្រោយពេលរ៉ូបនេះបរាជ័យក្នុងការដាក់ដេញថ្លៃកាលពីថ្ងៃចន្ទនៅកន្លែងដាក់ដេញថ្លៃ Kerry Taylor។ ដំបូងឡើយរ៉ូបនេះ ត្រូវបានគេរំពឹងថានឹងអាចលក់បានក្នុងតម្លៃប្រមាណជា ៣៨៨ ០០០ដុល្លារ ប៉ុន្តែបែរជាមិនមានអ្នកណាដេញថ្លៃនូវតម្លៃនេះឡើយ។
យ៉ាងណាមិញ អ្នកទិញរ៉ូបខាងលើ បានបង្ហាញការសប្បាយចិត្តដោយសារវានឹងអាចបន្ដស្ថិតនៅ
ក្នុងប្រទេសអង់គ្លេស ហើយលក្ខណៈពិសេសរបស់វាគឺ ការតំណាងឲ្យពេលវេលាដ៏សំខាន់នៃម៉ូតសំលៀកបំពាក់របស់រាជវង្សកាលពីសតវត្សទី ២០៕