បុរសម្នាក់នេះពិតជាមានចិត្តគាប់ប្រសើរចំពោះគូស្នេហ៍របស់ខ្លួនជាពន់ពេក ព្រោះខ្លាចនាងមិនពេញចិត្តទាំងស្រុងទៅលើចិញ្ចៀនមួយវង់ដែលប្រើសុំនាងរៀបការរូបគេក៏បានទិញចិញ្ចៀនដល់ទៅ៦វង់ ដើម្បីឲ្យនាងជ្រើសរើស យកមួយណាដែលធ្វើឲ្យនាងស្រឡាញ់ពេញចិត្តបំផុត។ រឿងរ៉ាវនេះបានធ្វើឲ្យមានការចាប់អារម្មណ៍យ៉ាងខ្លាំងពីសំណាក់អ្នកលេងបណ្តាញសង្គម និងមានការកោតសរសើរយ៉ាងច្រើនផងដែរ ថានារីម្នាក់នេះពិតជាមានសំណាងដែលបានគូស្នេហ៍យល់ចិត្តបែបនេះ។
បើយោងតាមសារព័ត៌មាន HZEPPFEED បានចុះផ្សាយថា មានបុរសម្នាក់បានទិញចិញ្ចៀនពេជ្រប្រណិតចំនួន ៦ វង់ ដើម្បីសុំមិត្តស្រីគាត់រៀបការ ដែលករណីនេះកម្រនឹងកើតមានណាស់។បុរសដែលបានសាងកំណត់ត្រាថ្មីមួយនេះមានឈ្មោះថា Dennis Brown II ជាតារាម៉ូដែលអាមេរិក ដែលទើបនឹងមានឈ្មោះល្បីល្បាញក្នុងរយៈពេលប៉ុន្មានឆ្នាំចុងក្រោយនេះ។ លោក Dennis Brown II បានឲ្យដឹងថា គាត់ធ្វើដូចនេះមិនមែនចង់បង្ហាញថា គាត់មានលុយច្រើននោះទេ តែគាត់ចង់ផ្តល់ជម្រើសជាច្រើនដើម្បីឲ្យមិត្តស្រីគាត់ជ្រើសរើសចិញ្ចៀនណាមួយដែលនាងពេញចិត្តបំផុត។
ក្រោយសុំមិត្តស្រីរឿងការរួច គូស្នេហ៍មួយគូនេះគ្រោងនឹងដឹកដៃគ្នាចូលរោងការក្នុងដ៏ឆាប់ខាងមុខនេះផងដែរ៕
