…សាហាវណាស់…អត់ដែលជួបប្រទៈពីមុនៗមកនោះទេដែលគេគ្រប់គ្នាចិញ្ចឹមត្រីដើម្បីលំអរផ្ទះគ្រាន់តែជាទីគយគន់កំសាន្តភ្នែកតែប៉ុណ្ណោះ…ប៉ុន្តែបុរសម្នាក់នេះបែជាចិញ្ចឹមត្រីទុកដូចជាឧបករណ៍ជួយលុបបំបាត់នូវភស្តុតាងនៃអំពើឧក្រិដ្ឋរបស់ខ្លួនទៅវិញ។កាលពីពេលកន្លងទៅនេះ ផ្ទុះ ការភ្ញាក់ផ្អើលយ៉ាងខ្លាំង បន្ទាប់ពី បុរសជនជាតិថៃមួយរូបឈ្មោះ Apichai Ongwisit វ័យ៤០ឆ្នាំ ជាកូនថៅកែផ្សារមួយនៅប្រទេសថៃ ត្រូវបានប៉ូលីសចាប់ខ្លួនក្រោយពីបានប្រព្រឹត្តនូវអំពើឃាតកម្ម ដ៏ព្រៃផ្សៃមួយទៅលើ នារីរូបស្អាត នាង Warinthorn អាយុ២២ឆ្នាំ។
គួរបញ្ជាក់ថា ឃាតកម្មសម្លាប់ដ៏សាហាវមួយនេះ បានកើតឡើងនៅចុងខែសីហា ឆ្នាំ២០១៩មកម្ល៉េះ ដោយរូបគេបានធ្វើនូវសកម្មភាពយ៉ាងព្រៃផ្សៃ ទៅលើនារីរងគ្រោះ និងយកសាកសពទៅកប់ក្នុងដី នៅខាងមុខផ្ទះ។ យ៉ាងណាមិញ ស្រាប់តែមកទល់ថ្ងៃទី ១៧ខែមករា ឆ្នាំ២០២០ មានការបែកធ្លាយបន្ថែមទៀតថា បុរសជនដៃដល់រូបនោះ បានចិញ្ចឹមសត្វត្រីម្យ៉ាង ដែលមានរូបរាង និងមាត់វែង ដូចក្រពើបេះបិទ។ យោងតាមប្រភពបានបញ្ជាក់ថា ហេតុផលដែល បុរសម្នាក់នេះ ចិញ្ចឹមត្រីបែបនេះ ប្រហែលជាទុកបោះសាកសពដែលខ្លួនបានសម្លាប់ឲ្យសត្វនោះស៊ី ដើម្បីបំបិទភស្ដុតាងជាមិនខាន។
ដោយឡែក គួរបន្ថែមទៀតផងដែរថា កាលពីពេល៥ឆ្នាំមុន ជនដៃដល់ដ៏សាហាវឃោឃៅរូបនេះ ក៏ធ្លាប់បានជាប់គុកម្ដងហើយ ចំពោះករណីឃុំខ្លួនក្មេងស្រីអាយុ១៧ឆ្នាំមួយរូប ហើយបច្ចុប្បន្ន បានជាប់ទោសពីបទធ្វើឃាតកម្មទៅលើ នារីរូបស្រស់ម្នាក់នេះទៀត៕
