…ច្រើនឆ្នាំមកហើយតាំងពីមានភរិយា…កូនប្រុសបង្កើតពុំដែលនាំម្តាយចូលហាងបរិភោគអាហារម្តងណាឡើយ លុះមានថ្ងៃមួយកើតមានចិត្តកត្តញ្ញូក៏នាំម្តាយចូលហាង មិននឹកស្មានសោះរំលងបានប៉ុន្មានថ្ងៃ…ក្រោយបែកពីម្តាយជារៀងរហូតបន្សល់នូវសំបុត្រមួយច្បាប់គួរឲ្យក្តុកក្តួលក្រៃលែង។នៅថ្ងៃមួយប្រពន្ធរបស់លោក វ៉ាងរកនឹកឃើញនូវសំណើដ៏ចម្លែកមួយដោយនាងជា ប្រពន្ធ បាននិយាយថា "អូនស្រឡាញ់បង ប៉ុន្តែអូនដឹងថា ស្ត្រីម្នាក់នោះក៏ស្រឡាញ់បងដែរ ហើយចង់ចំណាយពេលខ្លះជាមួយបង"។ចំពោះពាក្យនេះលោកវ៉ាង ដឹងថាប្រពន្ធចង់និយាយសំដៅទៅម៉ាក់របស់គាត់។
នៅយប់នោះលោក វ៉ាងបានទូរស័ព្ទទៅម៉ាក់គាត់ដើម្បីអញ្ជើញគាត់ពិសាអាហារពេល្ងាចនិងប្រហែលជាមើលកុនជាមួយគ្នាម្ដង។ នៅពេលនោះម្ដាយរបស់គាត់បានតបវិញថា "តើអ្វីៗមិនអីទេកូនប្រុសម៉ាក់?" គាត់បានប្រាប់ម៉ាក់វិញថា "វាច្បាស់ជាល្អណាស់ប្រសិនបានចំណាយពេលជាមួយម៉ាក់តែម្នាក់គត់"។ ម៉ាក់បានស្ងាត់មាត់មួយសន្ទុះ និងបានតបវិញថា "មានអីល្អតើ"។លោក វ៉ាងបានរៀបរាប់ថានៅថ្ងៃណាត់ជួបគ្នា ម៉ាក់បានរង់ចាំកូនប្រុសនៅមាត់ទ្វារហើយគាត់បានតុបតែងខ្លួនយ៉ាងស្អាតដែលដូចជាកូនក្រមុំថ្មីថ្មោងអ៊ីចឹង។ នៅតាមផ្លូវម៉ាក់បាននិយាយថា "ម៉ាក់បានប្រាប់មិត្តភក្ដិថា ម៉ាក់ទៅក្រៅជាមួយកូនប្រុសម្ដង។ ពួកគេពិតជាចង់ដឹងពីការណាត់ជួបរបស់យើងណាស់"។នៅក្នុងហាងខណៈកូនប្រុសកំពុងមើលមីនុយ ម្ដាយញញឹមរួចនិយាយថា "ម៉ាក់ធ្លាប់មើលមីនុយបែបនេះនៅពេលកូននៅតូចៗ"។ កូនប្រុសបានតបវិញថា "ម៉ាក់! ឥឡូវដល់ពេលកូនត្រូវឱ្យម៉ាក់សម្រាកម្ដងហើយទុកភារកិច្ចដល់កូន"។អ្នកទាំងពីរបាននិយាយគ្នាយ៉ាងយូរនៅអាហារពេលល្ងាចរហូតដល់តែភ្លេចទៅមើលកុន។ ខណៈជូនម្ដាយមកផ្ទះគាត់វិញ ម្ដាយបាននិយាយថា "ម៉ាក់នឹងចេញក្រៅជាមួយកូនម្ដងទៀត ប៉ុន្តែទាល់តែកូនឱ្យម៉ាក់អញ្ជើញវិញម្ដង"។ គាត់ក៏បានយល់ព្រម។នៅពេលទៅដល់ផ្ទះវិញប្រពន្ធបានសួរប្ដីថា "តើអាហារពេលល្ងាចរបស់បងដំណើរការរលូនអត់?" ប្ដីបានតបវិញថា "រលូនណាស់! រលូនជាងបងរំពឹងទុកទៅទៀត"។ ប៉ុន្តែគួរឱ្យសោកស្ដាយនាប៉ុន្មានថ្ងៃក្រោយមក ម្ដាយរបស់លោក វ៉ាងបានទទួលមរណភាពដោយសារគាំងបេះដូង។ហើយរំលងបានប៉ុន្មានសប្ដាហ៍ក្រោយមកទៀតលោក វ៉ាង បានទទួលសំបុត្រមួយជាមួយវិក្កយបត្រភោជនីយដ្ឋានដែលគាត់បានទៅជាមួយម្ដាយ។
លិខិតនោះមានខ្លឹមសារបែបនេះថា "ម៉ាក់បានបង់ថ្លៃវិក្កយបត្រនេះទុកជាមុន។ ម៉ាក់មិនប្រាកដថាម៉ាក់អាចទៅទីនោះបានឡើយ ដូច្នេះវិក្កយបត្រនេះគឺសម្រាប់កូននិងប្រពន្ធកូន។ កូនមិនដឹងថាយប់នោះពិតជាពិសេសយ៉ាងណាចំពោះម៉ាក់។ ម៉ាក់ស្រឡាញ់កូន"។នៅពេលនោះលោក វ៉ាងបានដឹងនូវសារៈសំខាន់នៃការនិយាយពាក្យ "កូនស្រឡាញ់ម៉ាក់" នៅក្នុងពេលដែលមនុស្សដែលគាត់ស្រឡាញ់គួរទទួលបាន។ គាត់បានដឹងថា គ្មានអ្វីក្នុងជីវិតដែលសំខាន់ជាងគ្រួសារនោះទេ៕
Home សង្គមប្លែកៗ យូរឆ្នាំណាស់ទើបនាំម្តាយចូលហាងម្តង…លុះដល់ម្តាយចង់ប៉ាវបានត្រឹមប្រគល់វិក័យប័ត្រឯរូបកាយឃ្លាតចាកឆ្ងាយទៅហើយ