ក្រៅបន្ទប់លុះទ្វារបន្ទប់បើកឡើងលេចមុខអ្នកគ្រូពេទ្យប៉ុន្មាននាក់ដើរចេញមកក្រៅ នាងតូចស្ទុះភ្លែតលើកបាតដៃបង្ហាញធ្វើឲ្យអ្នកគ្រូពេទ្យរំជួលចិត្តគ្រប់ៗគ្នា ថ្វីបើនាងតូចគ ថ្លង់តែបាតដៃរបស់នាងបង្ហាញពីភាពកត្តញ្ញូចំពោះម្តាយ។ស្រី Meng Hao អាយុ៣៨ឆ្នាំ ជនជាតិចិន ពេលរៀបការជាមួយប្តីទី១គ្រួសាររបស់នាងគិតថា នាងមិនអាចបង្កើតកូនបាននោះទេ។ បន្ទាប់ពីរំលងបានប៉ុន្មានឆ្នាំ នាងនៅតែមិនមានផ្ទៃពោះ ហើយគ្រួសាររបស់នាងឲ្យនាងលែងលះជាមួយប្តីទីមួយរបស់នាង ព្រោះមិនចង់ទទួលរងនូវភាពអាម៉ាស់ដល់គ្រួសារដោយហេតុថា រៀបការយូរហើយមិនមានផ្ទៃពោះ។
ដំបូងឡើយអ្នកស្រី Meng Hao គិតថាវាជាកំហុសរបស់នាង ដែលមិនអាចមានផ្ទៃពោះបានទើប អ្នកស្រី បានសម្រេចចិត្តលែងលះ និងចាកចេញពីស្រុកកំណើត ដើម្បីទៅរកការងារធ្វើនៅឯទីក្រុងថ្មីមួយទៀត។បន្ទាប់មក នាងក៏បានរៀបការជាមួយស្វាមីទី២ ហើយក៏មានផ្ទៃពោះភ្លាមៗបន្ទាប់ពីរៀបការហើយ។ ពេលនាងផ្តល់កំណើតឲ្យកូនស្រី គ្រួសារនាងមានការត្រេកអរយ៉ាងខ្លាំង តែខាងសាច់ថ្លៃមិនសូវជាសប្បាយចិត្តនោះទេ ព្រោះមិនបានកូនប្រុស។ គ្រួសារខាងសាច់ថ្លៃ សង្ឃឹមថានាងអាចបង្កើតកូនប្រុសឲ្យគេ។ អ្នកស្រី Meng Hao ដឹងថាគ្រួសារខាងសាច់ថ្លៃមានគំនិតអភិរក្សបន្តិចទាក់ទងនឹងរឿងកូនប្រុសស្រី តែអ្នកស្រីនៅតែគិតថាកូនប្រុសឬស្រី គឺសុទ្ធតែជាកូនស្ថិតក្រោមការគ្រប់គ្រងរបស់នាងដដែល។ទោះជាយ៉ាងណាក្តី កំណើតរបស់កូនស្រីនាងបាននាំមកនូវសេចក្តីសប្បាយរីករាយយ៉ាងខ្លាំងដល់ជីវិតរបស់នាង។ អ្នកស្រីស្រលាញ់កូនរបស់គាត់ជាខ្លាំង តែក្រោយមកអ្នកស្រី កត់សម្គាល់ឃើញថាមានអ្វីមិនប្រក្រតី វាហាក់ដូចជាថា កូនស្រីរបស់នាងមិនដែលឆ្លើយតបនឹងនាង នៅពេលនាងហៅឈ្មោះឬព្យាយាមនិយាយជាមួយកូន។វាជារឿងអកុសលមួយដែលកូនរបស់អ្នកស្រីកើតមកមានសុខភាពល្អតែ គ ហើយថ្លង់ទៀត។ វាជាការប៉ះទង្គិចផ្លូវចិត្តមួយយ៉ាងធំ រវាងអ្នកស្រីនិងគ្រួសាររបស់អ្នកស្រី។ នៅពេលនោះគ្រួសារខាងសាច់ថ្លៃ យកលេសនេះបង្ខំឲ្យអ្នកស្រីឲ្យមានផ្ទៃពោះម្ដងទៀត។ មិនយូរប៉ុន្មានអ្នកស្រី Meng Hao ក៏មានផ្ទៃពោះជាលើកទី២។អ្នកស្រីឈឺពោះឆ្លងទន្លេលឿនជាងការរំពឹងទុក នៅពេលមានតែនាងនៅផ្ទះតែ២នាក់កូនស្រីតូច។ ហើយជាសំណាងល្អ នាងអាចទៅមន្ទីរពេទ្យដោយខ្លួនឯង និងបាននាំកូនស្រីរបស់នាងទៅជាមួយ។ បន្ទាប់ពី២ទៅ៣ម៉ោង អ្នកស្រី Meng Hao បានផ្តល់កំណើតកូនទី ២ របស់នាងដោយសុវត្ថិភាព។ គិលានុបដ្ឋាយិកាចេញមកក្រៅបន្ទប់វិញ ដើម្បីឲ្យដំណឹងដល់សាច់ញាតិ តែគាត់ឃើញត្រឹមតែកូនស្រីគហើយថ្លង់ម្នាក់គាត់ នៅរង់ចាំខាងក្រៅតែប៉ុណ្ណោះ។
នៅពេលដែលកូនស្រី បានឃើញគ្រូពេទ្យចេញពីក្នុងបន្ទប់ នាងបានដើរទៅរកគ្រូពេទ្យហើយលាបាតដៃ ដៃ ឲ្យគ្រូពេទ្យមើល។ បន្ទាប់ពីបានឃើញ ពាក្យដែលសរសេរនៅលើបាតដៃក្មេងស្រីហើយ ទឹកភ្នែករបស់គ្រូពេទ្យក៏បានចាប់ស្រក់ដោយមិនដឹងខ្លួន ពាក្យលើដៃក្មេងស្រី សរសេរថា«ម៉ាក់ខ្ញុំ មិនអីទេឬ?»។ទោះ ជាក្មេងស្រីដែលកើតមកគថ្លង់ មិនមែនបានន័យថា នាងមិនអាចស្រលាញ់ម្ដាយបាននោះទេ៕
Home សង្គមប្លែកៗ គ្រូពេទ្យរំជួលចិត្តពេកក្រៃ…ពេលអានអក្សរនៅក្នុងបាតដៃក្មេងស្រីគថ្លង់ចង់ដឹងពីសុខភាពម្តាយ