…កាលពីឡើងជិះយន្តហោះមកប្រទេសថៃអត់មាននរណាគេសម្លក់សម្លឹងថារូបរាងធាត់កន្ទ្រលអីនោះទេ ប៉ុន្តែពេលឡើងជិះយន្តហោះចេញពីថៃត្រឡប់ទៅមាតុភូមិវិញស្រាប់តែមានអ្នកសូញសាញទៅវិញ។ស្ត្រីជាម្ដាយ ជនជាតិណូវែលសេឡង់ ព្រមជាមួយកូនស្រី ២នាក់ បានស្រក់ទឹកភ្នែក ក្រោយបុគ្គលិកមកពីក្រុមហ៊ុនអាកាសចរណ៍ថៃអ៊ែរវ៉េ បាននិយាយថាពួកគេ “ធាត់ពេក” មិនអាចជិះយន្តហោះប្រភេទ Business Class បានទេ។អ្នកស្រី ហ៊ូណាហៃលី អាយុ៥៩ឆ្នាំ ព្រមទាំងកូនស្រីរបស់គាត់ឈ្មោះ Renell អាយុ ២៨ ឆ្នាំ និង Tere អាយុ ៣៧ឆ្នាំ ត្រូវបានគេហៅបញ្ឈប់ដើម្បីថ្លឹងទំនង់ នៅជើងហោះហើរក្រុងបាងកក ទៅកាន់ជើងហោះហើរទីក្រុង Auckland ប្រទេសណូវែលសេឡង់ ដោយក្រុមបុគ្គលិកយន្តហោះបានប្រាប់ថា កៅអីអង្គុយនៅក្នុងយន្តហោះ មិនត្រូវនឹងគីឡូពួកគេឡើយ។
ម្តាយនិងកូនស្រីទាំងនេះ បានទៅប្រទេសថៃ ដើម្បីធ្វើការវះកាត់សម្រកទម្ងន់ដោយ ពួកគេម្នាក់ៗ បានចំណាយប្រាក់ចំនួន ២ ៦៥០ដុល្លារ សម្រាប់ការហោះហើរ រួមទាំងកៅអីថ្នាក់ Business Class សម្រាប់ធ្វើដំណើរត្រឡប់ទៅវិញ ដើម្បីធានាបាននូវផាសុកភាពខ្ពស់។ អ្នកស្រី Iripa ជាម្តាយ បាននិយាយថា បទពិសោធន៍ដ៏គួរឱ្យរន្ធត់ណាស់ ហើយមានអារម្មណ៍ថា គាត់និងក្រុមគ្រួសាររបស់គាត់ ត្រូវបានគេរើសអើង ដោយសារតែរូបរាងធាត់។អ្នកស្រីIripa បានឲ្យដឹងថា៖ «យើងត្រូវអាម៉ាស់មុខនៅចំពោះមុខអ្នកដំណើរទាំងអស់។ យើងបានឡើងទៅកន្លែងត្រួតពិនិត្យ ហើយបុគ្គលិកអង្គុយលើតុ មើលមកពួកយើងដោយនិយាយថា សុំទោសអ្នកមិនអាចធ្វើដំណើរបានទេ។ រឿងបន្ទាប់ មានបុគ្គលិកប្រហែល ៥នាក់ នៅជុំគ្នានិយាយភាសាកំណើតរបស់ពួកគេ ក្រវីក្បាលហើយសម្លឹងមកពួកយើង ហាក់ដូចជាយើងបានប្រព្រឹត្តិបទឧ ក្រិ ដ្ឋអីចឹង»។បុគ្គលិកស្រីម្នាក់បានចេញមុខនិយាយថា “អត់ទេ អ្នកធាត់ពេក អ្នកធាត់ពេកហើយមិនអាចអង្គុយបានទេ”។ បន្ទាប់មកនាងបានទាញខ្សែវាស់ ហើយរុំវានៅជុំវិញកូនស្រីខ្ញុំឈ្មោះ Renell ដោយធ្វើចលនាដៃរបស់នាង លាតសន្ធឹងមុននឹងមកវាស់លើខ្ញុំ និង Tere។ នៅខណៈនោះ ខ្ញុំឈឺចិត្តខ្លាំងណាស់ ហើយទឹកភ្នែកក៏បានស្រក់ចុះមក។ អ្នករាល់គ្នាគ្រាន់តែឈរ ក៏សម្លឹងមកពួកយើងដែរ វាហាក់ដូចជាពួកយើងជាមនុស្សគួរឲ្យស្អប់ខ្ពើមខ្លាំងណាស់អីចឹង។ក្រោយមកអ្នកស្រីIripa ព្រមទាំងកូនស្រីទាំង២នាក់ ត្រូវបានគេផ្លាស់ឲ្យមកជិះយន្តហោះកម្រិតធម្មតា Economic Class វិញ ព្រោះតែអ្នកទាំង ៣មានមាឌធំ ហើយធាត់ខ្លាំងពេក។ អ្នកស្រីបានឲ្យដឹងថា កាលគ្រាដែលអ្នកស្រីព្រមទាំងកូន ធ្វើដំណើរមកទីក្រុងបាងកក តាមក្រុមហ៊ុនអាកាសចរថៃ អ៊ែវេ៉នេះ គឺពុំមានអ្វីចោទជាបញ្ហាទាល់តែសោះ លុះពេលអ្នកស្រីធ្វើដំណើរត្រឡប់មកវិញ បែរជាបដិសេដកៅអីប្រភេទ Business ទៅវិញ ថែមទាំងត្រូវបានគេរើសអើងទៀតផង។
អ្នកស្រីបានស្នើសុំឲ្យក្រុមហ៊ុនសងប្រាក់វិញទាំងអស់នៃតម្លៃកៅអី Business របស់ពួកគេ ប៉ុន្តែគេសងវិញប្រមាណ ១២៥០ដុល្លារប៉ុណ្ណោះ។ ក្រុមហ៊ុនអាកាសចរណ៍មួយនេះបានសុំទោស និងផ្តល់សំណងជំងឺចិត្តចំនួន ៤៥០ដុល្លារបន្ថែមទៀត ប៉ុន្តែអ្នកស្រី និងកូនស្រីគិតថានេះមិនគ្រប់គ្រាន់ទេ ហើយបានស្នើសុំឱ្យសងទឹកប្រាក់វិញទាំងអស់ ទីបំផុតពួកគេក៏ទទួលបានប្រាក់គ្រប់ចំនួនវិញ៕
Home សង្គមប្លែកៗ ផ្តាស់មែន កាលមកម៉េចក៏ឲ្យជិះ…លុះដល់ទៅវិញបែជាគ្រវីក្បាលប្រាប់ថាធាត់ពេក