…ប្តី-ប្រពន្ធអង់គ្លេសមួយគូនេះនៅរាល់ពេលទំនេរតែងតែបណ្តើរគ្នាត្រសងចូលទៅក្នុងព្រៃជាមួយពួកគេនឹងរាវរកឃើញរបស់ដែលអាចលក់បានប្រាក់។ នៅថ្ងៃមួយសំណាងបានចូលមកដល់កំពុងតែដើររាវ...ស្រាប់តែម៉ាស៊ីនរោទ៍ង៉ោង ប្តី-ប្រពន្ធត្រេកអរពេកក្រៃដោយគិតថាប៉ះរបស់អេតចាយហើយ
លុះដល់ជីកកកាយរកមើល...អរស្ទើរហើយជើងផុតពីដីដ្បិតបានក្លាយជាសេដ្ឋីចាប់ពីគ្រានេះទៅហើយ!។
អ្នករាវរកលោហៈពីរនាក់បានប្រាប់ពីការភ្ញាក់ផ្អើលរបស់ពួកគេ នៅពេលរកឃើញកំណាត់កាក់តាំងពីជំនាន់ស្តេចអង់គ្លេសដ៏មានឥទ្ធិពល William the Conqueror ដែលត្រូវបានគេប៉ាន់ស្មានថាមានតម្លៃប្រមាណ៦លានដុល្លារ។លោក Adam Staples វ័យ ៤៣ឆ្នាំ និងនាង Lisa Grace វ័យ ៤២ឆ្នាំ បានរកឃើញកាក់ប្រាក់ចំនួន ២.៥២៨កាក់នៅក្នុងចម្ការមួយស្ថិតក្នុងស្រុក Somerset ប្រទេសអង់គ្លេស។គំនរកាក់លាក់ទុកទាំងនេះ បានឆ្លុះបញ្ចាំងពីការលុកលុយរបស់ជនជាតិ Norman បារាំង និងបង្ហាញភស្តុតាងនៃការគេចវេសពន្ធនៅក្នុងសម័យកាលបុរាណក្នុងប្រទេសអង់គ្លេស។
បានក្លាយជាអ្នកមាន…ពួកអ្នករកលោហៈទាំងពីរនេះ កំពុងបង្ហាត់មិត្តរបស់ពួកគេក្នុងការប្រើប្រាស់ឧបករណ៍ចាប់ដានលោហៈនៅថ្ងៃសម្រាកលំហែកាយនៅចុងសប្តាហ៍ ក្រែងលោសំណាងមានដូចជាពួកគេដែរ ៕
Home សង្គមប្លែកៗ ដើររាវត្រុកៗតាមវាលស្រែ…ម៉ាស៊ីនរោទ៍ង៉ោងប្រឹងកាយព្រឹបៗប្រទៈកំណប់៦លានដុល្លារ