…បុរសជាប្តីម្នាក់កំពុងត្រូវបានមនុស្សម្នាជាច្រើនជេររិះគន់យ៉ាងកងរំពងក្នុងបណ្តាញសង្គមហ្វេសប៊ុក…ព្រមជាមួយនូវការពន្យុះទៅដល់នារីជាប្រពន្ធឲ្យលែងក្បាលចោលទៀតកុំនៅយកអោបក្នុងដើមទ្រូងធ្វើស្អីប្តីធុនអប្រិយកាចម្លឹងៗនោះ។នៅពេលឃើញប្រពន្ធសុំលុយប្រហែល២០ដុល្លារដើម្បីធ្វើសក់ត្រៀមចូលឆ្នាំ នោះ ប្ដីក៏ស្រែកថាថ្លៃ ហើយចាប់មកផ្ទះវិញ បន្ទាប់មកក៏ធ្វើអំពើហិង្សាលើនាង។
ហេតុការណ៍ដ៏រន្ធត់នេះ បានកើតឡើងនៅខេត្ត Long An ប្រទេសវៀតណាម ។ ដោយសារតែកៀកចូលឆ្នាំប្រពៃណីជាតិខ្លួនទើប នារីធ្វើការរោងចក្រម្នាក់ឈ្មោះ Bao Anh បានសុំលុយប្ដីចំនួន៥០ម៉ឺនដុង ប្រមាណ២០ដុល្លារ ដើម្បីធ្វើសក់ត្រៀមចូលឆ្នាំថ្មី។យ៉ាងណាក្ដី ខុសពីការគិតរបស់ខ្លួន ប្ដីរបស់នាង មិនត្រឹមតែមិនឲ្យលុយនាងធ្វើនោះទេ ដោយស្រែកថាថ្លៃហើយ ថែមទាំងអូសនាងមកផ្ទះវិញទៀតផង។ ស្មានតែរឿងចប់ត្រឹមនេះហើយ ប៉ុន្តែនៅពេលមកដល់ផ្ទះ ប្ដីអប្រិយបានទាញកន្ត្រៃមកចាក់លើក្បាលនាងជាប្រពន្ធចំនួន៤កន្ត្រៃ ធ្វើឲ្យនាងរបកស្បែកក្បាល ហូរឈាមជាច្រើន។ដោយសារតែឮសំឡេងយំស្រែកខ្លាំងពេក អ្នកជិតខាងក៏ចូលមកមើល ទើបដឹងសភាពការណ៍បែបនេះ ហើយមករុំរបួសឲ្យនាង ព្រមទាំងថតរូបជាភស្តុតាងដើម្បីបង្ហោះបកអាក្រាតមុខមាត់ពិតរបស់ប្ដីសាហាវឃោឃៅនេះ។
ក្រោយពេលរូបភាពទាំងនេះត្រូវបានបង្ហោះលើបណ្ដាញសង្គម មនុស្សជាច្រើនបានផ្ដល់ដំបូន្មានទៅនារីរូបអភ័ព្វខាងលើ បើប្ដីកាចយ៉ាងនេះ គួរតែលែងចោលទៅដ្បិតថ្ងៃក្រោយអាចត្រូវធ្ងន់ជាងនេះ៕
