…រឿងរ៉ាវប៉ូលិសចាប់ច្រឡំហើយតុលាការក៏វង្វេងស៊ុងរុញឲ្យទៅដេកក្នុងគុកស្អាតស្អំ បានកើតឡើងរួចមកហើយនៅតាមបណ្តាប្រទេសមួយចំនួន។ កាលពីពេលកន្លងទៅនេះសារព័ត៌មាន Shanghaiist បានផ្សាយថា បុរសម្នាក់ត្រូវបានតុលាការចោទប្រកាន់ពីបទចាប់រំលោភ និងសម្លាប់ស្ត្រីម្នាក់ ហើយសម្រេចក្តីឲ្យជាប់ពន្ធនាគារមួយជីវិត កាលពី២៣ឆ្នាំមុន។ ប៉ុន្តែកាលពីពេលថ្មីៗនេះ គេទើបតែរកឃើញថា តាមការពិត គឺបុរសម្នាក់នេះគ្មានទោសអ្វីឡើយ។បុរសអាយុ៥០ឆ្នាំ ឈ្មោះ Jin Zhehong ត្រូវបានប៉ូលិសចាប់ និងសម្រេចដោយតុលាការឲ្យជាប់គុកអាយុ២៧ឆ្នាំ ស្តីពីបទរំលោភសម្លាប់នាងក្រមុំម្នាក់នៅខេត្ត Jilin។
ប៉ូលិសនិយាយថា រូបគេបានប្រើល្បិចយកស្ត្រីអាយុ២០ឆ្នាំ ដឹកទៅរំលោភនៅវាលជនបទ ហើយសម្លាប់នាងចោល រួចក៏បោះសពចូលរណ្តៅកប់ចោល។នៅឆ្នាំ១៩៩៦ Jin ត្រូវបានតុលាការសម្រេចក្តី។ នៅ៤ឆ្នាំក្រោយ តុលាការបានធ្វើការស្រាវជ្រាវឡើងវិញ ហើយក៏ឃើញថា ពិតជាមានទោសមែន។ រហូតមកដល់ឆ្នាំ២០១៤ គេក៏មានការសង្ស័យត្រង់ថា រឿងក្តីចេះតែមានការប្រែប្រួលសាច់រឿង ហើយក៏លេចថា តាមការពិតការចោទប្រកាន់ទាំងមូល គឺគ្មានភ័ស្តុតាងអ្វីទាំងអស់ ក្រៅពីពាក្យសម្តីសារភាពដោយជនជាប់ចោទនិយាយឡើង ពេលធ្វើទារុណកម្មប៉ុណ្ណោះ។ នៅថ្ងៃទី២៩ ខែវិច្ឆិកា តុលាការក៏សម្រេចដោះលែង Jin ឲ្យក្លាយជាប្រជាជនធម្មតា។លោក Jin បានប្រាប់អ្នកសារព័ត៌មានថា៖ «នេះក៏នៅតែជាភាពយុត្តិធម៌មួយដែរ បើទោះបីជាវាយឺតពេលខ្លាំងក៏ដោយ។ អ្វីដែលខ្ញុំចង់ធ្វើពេលនេះ គឺទៅមើលផ្នូរម្តាយឪពុករបស់ខ្ញុំ»។
កាលពីនៅក្នុងគុក ម្តាយរបស់លោកបានស្លាប់ ហើយប្រពន្ធលោកបានទៅរៀបការជាមួយអ្នកថ្មី។ លោក Jin បានបង្ហើបថា នឹងធ្វើការស្នើរសុំទាមទារសងការខូចខាតពីរដ្ឋ ដោយសារតែការចាប់ច្រលំបែបនេះ៕
Home សង្គមប្លែកៗ ស៊យមែនទែនប៉ូលិសច្រឡំចាប់ញាតិគុកលេងអស់២៣ឆ្នាំពីររឿងរ៉ាវរំលោភសម្លាប់នាងក្រមុំ