…មន្ត្រីនគរបាលរូបនេះពិតជាប្រហែសមែនទែនតែម្តងហើយឲ្យពួកម៉ាក់រួមវង់ផឹក កញ្ឆក់ខ្នាយពីចង្កេះបាញ់ផូងសំដៅទៅលើគូទំនាស់…ហើយបើប្រហែសតែយ៉ាងដូច្នេះ ចុះប្រសិនបើពេលចុះទៅធ្វើបេសកកម្មចាប់ជនល្មើស ហើយត្រូវជនល្មើសកញ្ឆក់កាំភ្លើងបានវិញនោះមិនធ្វើឲ្យអន្តរាយដល់អស់លោកប៉ូលិសឯទៀតដែលចុះបេសកកម្មជាមួយទេហ្អី!។ គេមិនដឹងមានកាំភ្លើងជាប់នឹងខ្លួនហើយឲ្យគេដណ្តើមបានទៅបាញ់ឲ្យស្លាប់ឬរងរបួសអ្នកដទៃ…ម្ចាស់កាំភ្លើងជាប់ពិរុទ្ធដែរឬក៏យ៉ាងណានោះទេ?។ បុរសជាអ្នករកស៊ីទិញ-លក់អេតចាយម្នាក់ កំពុងលេងបុកប៊ឺយែរសុខៗ ស្រាប់តែមានជម្លោះជាមួយអ្នកអង្គុយផឹកស៊ីនៅក្បែរនោះ ហើយត្រូវជនដៃដល់ស្ទុះទៅទាញកាំភ្លើងខ្លីពីចង្កេះពួកម៉ាកម្នាក់ដែលជាមន្ត្រីនគរបាលកំពុងអង្គុយផឹកស៊ីជាមួយគ្នា មកបាញ់ចំប្រអប់ជើងធ្លាយពីម្ខាងទៅម្ខាង រួចគេចខ្លួនបាត់ ។ករណី ជនប្រមឹកបាញ់បោះសេរីនេះ បានកើតឡើង កាលពីវេលាម៉ោង៨ និង១០នាទីយប់ថ្ងៃទី២៦ ខែមករា ឆ្នាំ២០២០ ស្ថិតនៅភូមិម័រ សង្កាត់ដង្កោ ខណ្ឌដង្កោ ។
ជនរងគ្រោះ ឈ្មោះ ឃិន ឆៃយ៉ា ភេទប្រុស អាយុ ៤៣ឆ្នាំ ប្រកបមុខរបរ រើសអេតចាយ ស្នាក់នៅ ដីឡូ ជួលគេ ស្ថិតនៅក្នុងភូមិម័ល សង្កាត់ដង្កោ ខណ្ឌដង្កោ រាជធានី ភ្នំពេញ ។ចំណែកឯ ជនដៃដល់ ឈ្មោះ ហ្វ៊ីណូ អាយុ៤៥ឆ្នាំ ។ ម្ចាស់កាំភ្លើង ឈ្មោះ ជួន គឹមហៀង អាយុ ៥០ឆ្នាំ មុខរបរជាមន្ត្រីនគរបាល ស្នាក់នៅ ភូមិម័ល សង្កាត់ដង្កោ ខណ្ឌដង្កោ ។ តាមប្រភពពីកន្លែងកើតហេតុ បានឲ្យដឹងថា មុនពេលកើតហេតុ ជនរងគ្រោះបានទៅលេងបុកប៉ីយ៉ែ នៅក្បែរក្រុមអ្នកផឹកដែលមានគ្នាប្រហែល៤ទៅ៥នាក់ ។បន្តិចក្រោយមក មិនដឹងថា ជនរងគ្រោះ និងជនដៃដល់មានបញ្ហាអ្វីពីមុនមកនោះទេ ស្រាប់តែជនដៃដល់ស្ទុះយកកាំភ្លើងពីបក្ខពួកម្នាក់ដែលជាមន្ត្រីនគរបាលអង្គុយផឹកស៊ីជាមួយគ្នា មកបាញ់ចំប្រអប់ជើងជនរងគ្រោះបណ្ដាលឲ្យធ្លុះពីម្ខាងទៅម្ខាងរងរបួសហូរឈាមកក្លាក់ ។ ចំណែកជនដៃដល់បានគេចខ្លួនពីកន្លែងកើតហេតុបាត់ស្រមោល ។
ក្រោយពេលកើតហេតុ កម្លាំងនគរបាលប៉ុស្ដិ៍រដ្ឋបាលដង្កោ បានសហការជាមួយកម្លាំងជំនាញនគរបាលខណ្ឌ ចុះស្រាវជ្រាវតាមចាប់ជនដៃដល់ដើម្បីយកមកផ្ដន្ទាទោសតាមច្បាប់ ៕
