…បុរសម្នាក់នេះពេលចេញពីផ្ទះប្រាប់ប្រពន្ធថាទៅមើលបាល់ទាត់នៅឯពហុកីឡារដ្ឋាន ហើយនៅទីនោះទស្សនាការប្រកួតបណ្តើរឆ្លៀតប៊ី ប៊ីថ្ពាល់ស្រីជាសង្សារបណ្តើរ ស្រាប់តែស៊យត្រូវកាមេរ៉ាថតផ្សាយការប្រកួតថតបានធ្វើឲ្យបែកធ្លាយដឹងដល់ប្រពន្ធដែលកំពុងទស្សនាការប្រកួតបាល់ទាត់ដែរតាមទូរទស្សន៍។វីដេអូនេះបានបង្ហាញពីប្រិយមិត្តកំហូចរូបនេះកំពុងអង្គុយទស្សនាការប្រកួតរវាងក្រុម Barcelona SC និង Delfin ក្នុងប្រទេសអេក្វាឌ័រ បាននៅកៀកកើយជាមួយនារីម្នាក់ និងថើបនាង មុននឹងងាកមុខចេញធ្វើដូចជាមនុស្សមិនស្គាល់គ្នា ជាមួយនឹងទឹកមុខដ៏ភ័យរន្ធត់ ពេលដែលកាមេរ៉ាប្រមាញ់បានរូបគាត់។
គាត់ និងស្ត្រីនោះហាក់មានទំនាក់ទំនងមិនប្រក្រតី ដោយធ្វើឱ្យមនុស្សជាច្រើនមានការងឿងឆ្ងល់យ៉ាងខ្លាំងចំពោះហេតុផលនៅពីក្រោយភាពមិនប្រក្រតីរបស់ពួកគេ។ក្រោយពីរឿងនេះបានបែកធ្លាយដឹងដល់ប្រពន្ធ បុរសរូបនេះបានចេញមុខបញ្ជាក់ការពិតអំពីរឿងនេះ។ លោក Deyvi Andrade បានប្រើប្រាស់បណ្តាញសង្គម ដើម្បីទទួលស្គាល់ពីការសង្ស័យពីមនុស្សគ្រប់គ្នា ថាគាត់ពិតជាបានលួចក្បត់ ប្រពន្ធរបស់គាត់ពិតមែន។ គាត់បានសរសេរថា "បើសិនវាជាស្រីម្នាក់នៅជាមួយខ្ញុំតើអ្នកចង់ធ្វើអ្វី? វីដេអូជាច្រើនត្រូវបានចរាចរណ៍និយាយពីមនុស្សស្រីមិនស្មោះត្រង់ ប៉ុន្តែពួកគេមិនបានយកមកលេងសើចយ៉ាងគឃ្លើនយ៉ាងសម្បើមដូចខ្ញុំអ៊ីចឹងទេ។ ខ្ញុំត្រូវការពារកិត្តិយសរបស់ខ្ញុំ និងមោទនភាពរបស់ខ្ញុំក្នុងនាមជាបុរសម្នាក់រហូតដល់ទីបញ្ចប់។ យើងទាំងអស់គ្នាសុទ្ធតែធ្លាប់បរាជ័យ ហើយយើងទាំងអស់គ្នាសុទ្ធតែធ្លាប់ស្តាយក្រោយ អរគុណអ្នកដែលបានអញ្ជើញខ្ញុំទៅកាន់ព្រះវិហារ ហើយប្រសិនបើខ្ញុំទៅជាដូច្នេះវានឹងធ្វើឱ្យខ្ញុំអាចលាងបាបដល់គ្រួសាររបស់ខ្ញុំបាន។ គ្មាននរណាម្នាក់អាចបំផ្លិចបំផ្លាញមុខមាត់របស់ខ្ញុំបានទេ ព្រះជាម្ចាស់គឺធំមហិមា និងកម្លាំងខ្លាំងក្លា ហើយស្ត្រីទាំងអស់នេះដែលរិះគន់ខ្ញុំ ដែលខ្ញុំដឹងដូចគ្នាថាបានផិតក្បត់ហើយនោះ ប៉ុន្តែនៅតែនិយាយដដែលៗ"។
បន្ទាប់មកបុរសរូបនេះបានបង្វែរទិសដៅ និងបានសុំទោសប្រពន្ធរបស់ខ្លួន ដោយអះអាងថា "បងចង់ត្រឡប់ទៅរស់នៅគ្រាទាំងនេះនៅក្បែរអូនវិញ។ បងពិតជាសុំទោស ហើយនេះគឺជាហេតុដែលបងត្រូវចេញមុខជាសាធារណៈដើម្បីបញ្ចេញមតិទៅលើរឿងមិនសមហេតុផលទាំងនេះ ដូច្នេះបងអាចសុំឱ្យអូនអភ័យទោសឱ្យបង។ បងពិតជាច្របូកច្របល់ ប៉ុន្តែបងពិតជាចង់បានអូនត្រឡប់មកវិញ"៕
Home សង្គមប្លែកៗ ស៊យមែនទៅមើលបាល់ទាត់បណ្តើរស្រីស្នេហ៍ទៅប៊ី-ប៊ីក្នុងស្តាតកាមេរ៉ាថតផ្សាយដឹងដល់ប្រពន្ធនៅឯផ្ទះ