ពេលម្តាយកំពុងមានជម្ងឺត្រូវការប្រាក់យកមកព្យាបាល…នាងក្រមុំជនបទម្នាក់នេះបានបោះជំហានចូលមកក្នុងវិធីប្រលងចំរៀង។ ប៉ុន្តែពិតជាគួរឲ្យក្តុកក្តួលណាស់ខណៈពេលដែលការប្រលងរបស់នាងកញ្ញាម្នាក់នេះកំពុងតែបោះជំហានយ៉ាងរលូនទៅមុខ…ស្រាប់តែម្តាយរបស់នាងបានចេញពីនាងទៅហើយ!។ ថ្មីៗនេះ ស្ថានីយ៍ទូរទស្សន៍មួយ បានរៀបចំការប្រកួតប្រលងច្រៀង ដែលមាននារីម្នាក់ឈ្មោះថា Jannah ចូលរួម។
នាងបានប្រាប់ទៅកាន់គណៈកម្មការថា គោលបំណងរបស់នាងគឺចង់ឈ្នះក្នុងការប្រកួត និងយកប្រាក់រង្វាន់ទៅព្យាបាលម្ដាយដែលកំពុងមានជំងឺធ្ងន់ធ្ងរប្រចាំកាយ។
បន្ទាប់ពីគណកម្មការប្រកាសឈ្មោះនាងជាប់ទៅវគ្គបន្ដរួចមក ខាងក្រុមការងារបានទំនាក់ទំនងទៅកាន់គ្រួសាររបស់នាង ដើម្បីប្រាប់អំពីដំណឹងល្អមួយនេះ។ តែជាអកុសល ដំណឹងល្អត្រូវបានជំនួសដោយដំណឹងអាក្រក់វិញ ព្រោះតែម្ដាយរបស់នាងទទួលមរណភាពដោយសារគាំងបេះដូងបាត់ទៅហើយ។នៅក្នុងការសន្ទនាតាមរយៈទូរស័ព្ទ ពូរបស់នាងបាននិយាយថា៖Jannah ម៉ាក់របស់ឯងបានផ្ដាំថា ឯងត្រូវតែរឹងមាំឡើងដើម្បីជាគោលជំហរក្នុងគ្រួសារ។ ពួកយើងគ្រប់គ្នាស្រលាញ់ម៉ាក់ឯងណាស់ តែព្រះអាឡាស្រលាញ់គាត់លើសយើងទៅទៀត ឥឡូវនេះម៉ាក់ឯងបានទទួលមរណភាពហើយ។
ក្រោយពីទទួលបានដំណឹងដ៏ក្ដុកក្ដួលនេះរួចមក មិនត្រឹមតែនាង Jannah ទេដែលទ្រហោយំ សូម្បីតែគណៈកម្មការទាំងអស់ទប់ទឹកភ្នែកមិនជាប់រៀងៗខ្លួនដែរ៕
